حيّا الله آل الزين ><
شخبار عطلتكم >< أنا ونثنق نعد المربعات الي بالزوليه من الطفش
المهم
كل طفولة بيت سعودي فيه إعتقادات وخزعبلات وحالات نفسيّه وماش تحسّهم مب طبيعين
كلنا عارفين بعض لحد يجي يقول لااااااا أنتممم كذااا ويحط لي ذا الفيس ()
ياويلكم
أنا طفولتي وما أدراك ماطفولتي
أهلي لاعبيين علي وحاطيين ببالي أشياء للحين أحسها صدق
أول هكّه
أن الحرمه لاجت تولد يشقون بطنها بالسكين وياخذون الولد بالملاس
ليه بالملاس بالضبط مادري
يعني وش فيها المغرفه
لا وعندي إعتقاد كل ماتذكرته أنقد على نفسي وأقول الحمدلله أني كبرت
كنت إذا دخلت دورة المياه الله يكرمكم أتخّيل أن أستاذاتي وبنات المدرسه يناظروني من شبّاك مخفي
مسببين لي رُعب ياحياتي علي
ولا عاد ( أنتِ منتب بنتنا ، لاقينتس بالشارع ، وأخذناتس وربيناتس عندنا )
هذي أتحداكم إذا موب في كل بيت سعودي
يووه أذكر يومني صغيره ضعت بسوق ( سويقه )
كنت عند محل أحذيه لاعب علي الهندي يقول بعطيك مجاناً
وأنا الي أخم الي بالمحل وأقيس وأقول يامحمد جب أصغر برقم > كلمة أمي
المهم أن أهلي كانوا يدوروني ويحوسون علي وأمي كانت حامل بالشهر الثامن
يقول أخوي والله إن كرشتها طالعه شوي وتطيح عبايتها من الروعه تصارخ ، ووين سااررره ويييين بنييتي إنخطططفت > لازم لازم الخطف ذا
وسوت إزعاج والحريم يهدونها والعيال منتشرررين يدووورون البنت المخطووفه الي هي أنا
وأنا الي أوخر قصيصتي وأقول يمه وش فيككم
وتطيح فيني تكفيييخ وتصفييق وتقبييص الله لايوريييكم
طيّب يأمي ياحبيبتي يومنتس تدوريني وشوي وتنهبلين وراه يوم لقيتيني طقيتني
ليه ماخمّيتيني مثلاً وقلتي يااببببعد قلبي يابنيييتي
ليه الإستهبال ذا
نرجع لموضوعنا
أهلي
هم سبب خوفي الفظيع من ( بسم الله )
لا وش حليلهم بعد حاطين شخصيات ماقصّرو
عوافي الله
أم بريقع
أم سليمان > هذي حرمه عندنا يخوفونا فيها ولازالو يخوفون الأجيال الي بعدنا > ياي ماتحسون أني كبيره
ولا عاد إذا رحنا مكّه ولا مسكت يدينهم
ياخذوني ناس ويقطعون يديني ويقلونها في الزيت ويخلوني أشحذ
المشكله لازالو للحين يتوارثونها ببزارينا
توثمو فييينا قسم بالله وش ذا الرُعب
ولا أذكر إذا جينا نتسدح تحت التلفزيون
كان لاعب علينا أخوي يقول إنه هو مُدير التلفزيون
إذا قال" للرسوم " (أفلام كرتون يعني im22) ينتهي ينتهي
أذكر يهبل لي أجلس أصاارخ أقوول لا تقوولها لاتقوولها شوي بس
والله ياهم لاعبين بمخخي
حتى كنت أحسب أن التلفزيون لا كسرنا شاشته بنشوف الي يمثلوون وجهن لوجه
إلا ع طاري وجهن لوجه ماتذكرون ذا البرنامج
أذكر دايم يفقع مرارتي إذا التلفزيون السعودي الجميل فوت علينا حلقة من المسلسل وجابه
ولا إذا أحد من أخواني حجز مكانه
يلحس إصبعه ويحطه برقبته ويحط عليه إكس
ويقول كلمه زي السيف والخنجر لو أحد يجي مكاني
أذكر أني كنت أتناااافض لا أووطى مكانه لان فيه ناس بيجوني يذبحوني فيه
ولا إذا شفت نفسي بالمرايه وطولت
يتحول وجهي وجه قطوه
عاد أذكر أني دايم مفتونه بنفسي وأهلي حارميني من هالمتعه
ولا الكعبه حاطه ببالي أنها بيت السديس
وأشياء كثيييره أتذكرها لا كتبتو هكّات أهلكم
بس تراي الحين ذربه وماينلعب علي > ماحد بيقمط
مواقع النشر (المفضلة)