السلام عليكم
مدري انتم سمعتو بقصيده 4×6ولا لاء هي قصيدة مؤثرة جدا جدا
لللاسف مدري القصيده لمن
يقول فيها الشاعر
ثلاث سنين وانا اخطط لهذا اليوم يابو سعود ** تيسر حالي وجاهز اوفي وعدي بوقته
وفجأه.. جتني تتعذر, تقول تأخرت الوعود **وانا مستغرب واسمع.. كأني وعدها خنته
حسبت انها تمازحني وتتصنع جفا وصدود **ضحكت بوجهها من قلب, مع انها بايخه النكته
وقالت :ارضى بالواقع قلبي ماهو المعهود** تغير كل شي صوبك نصيبي ما أظن انته
كنت بيوم محبوبي ولاكن ما أظن نعود **وصل من قبل ما توصل وانا ذاك الصبر عفته
ولكن تكفى صدقني ويشهد ربي المعبود** ترى ماخنتك بغفله ولا كلمته وشفته
صراحه.. اهلي قالو لي بأنه ولد أصل وجود**وجتني امه بالصوره وبكلمات المدح اخته
سكت وقلت هي فرصه مدام الجود فالموجود**وقالو كل من حولي علامات الرضا سكته
وأنا فكرت دام امه واخته ماعليهم زود**اكيد اني بأراضيهم اذا وافقت واخترته
واراضي اهلى واخواني مدام ان الفرح مقصود**عطيت الناس انا كلمه ومعاهم وقتي حددته
ولا اقدر اغيرها ترى عن العرب منقود**اوافق واعتذر باكر واقول الراي غيرته
تبي تشرح لي المنقود تصدق عاد يابو سعود**تبيني اقتنع وارضى بحال عمري ماعشته
انا ماني بقايلها عسى يفرش ثراها ورود**بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود**ونار تحرق الكوشه وتحرق بيتهم حته
وموت بليلة الدخله يبرد حرتي ياكود**ولا احس انه بحضنه يلامس خد لامسته
علي اهون اذا ماتو ولا بنفس السرير الرقود**ترى صعب علي اتخيل اللي ما تخيلته
عسى قاع الثرى يقسى ويتحول صخر جلمود**وحفار القبر يرفض يسوي فوق مقدرته
ترى دفنة عديل الذات تلوع حتى كبد الدود**ومن خان الوعود ومات تعافه حتى مقبرته
عسى ربي يجازيهم بحبل من مسد ممدود **يعلقهم من اطرافه وفوقه نار وتحته
انا ماني حقود وشين ولاني من نسل نمرود**ومن حط نفسه بوضعي بيقول اللى انا قلته
مدام الفعل له ردة فعل والله ابشري بردود**بادعي دامني حي وابغرس للدعى نبته
وابسقيها نزيف القلب ودمع مارحم الخدود**وتكبر والثمر ثاري من اللى خانني وصنته
انا نذر علي اكتب وافجر هالقصيد رعود** واسمع كل البشر صوتي عجبته ولا زعلته
واردد للي يسمعني اذا حبيت حط حدود** انا حبيت دون حدود وشوف اللى تكبدته
ثلاث سنين انا ابني وجت صوره بكل برود**خذت مني شقي عمري وحلم قلت حققته
ثلاث سنين انا اخطط لهذا اليوم يابو سعود **وتوافق من كلام اخته وصوره اربعه في سته
مواقع النشر (المفضلة)