الـسلامـ عليكمـ ..
تسيـف حالكمـ ياجمـاعة الخيــر ..
اولا:مبروكـ للطالبات والطلاب اللي نجحوا وهاردلك للي مانجحوا (<==بمبارة حنا ):8ar:
ومبروك بعد للي صاروا مثلي اوائل على المملكة ( وجه مصري زالط ام الشنب )
ثـانيا:اكيد الاغلبية منكم خشت الموضوع عشان تعرف الشخص اللي انا كاتبه عنه لكن
ابشركمـ ماراح اقول اسمه الا بالاخيــر ..
..........................
مرحلـة الطفولـة:كـان اخونـا بالله "سعد ابو ضروس"طفــلا
ناعمـا اطخمـا ومحبوبا من جميع بنات ديرته
"منفوحه"وقـد ولد في مزرعه حيث تربى هذا الطفل الرومنسي هناكـ بين الاشجار
والورود والازهـار على انهـا كانت تذبل اذا مر من عندهـا "سعد" ولكـن ماعليه منها
وكان سعد على كثر ملحه وطخامته الا ان فيه عيب واحد اللي هو "ضروسه" اللي قبل
مايدخل مكان تسبقه بكيلــو
حتى ركبت العيارة عليه !!
8
8
8
7
7
7
هذا اخينا بالله سعـد
كان يستخدم ضروسه لكل شي بالحياة ..زي مثلا مره امه كانت تبي تقشر
بردقان نادته وماشاء الله عليه بثواني ماقشرها لا "كلها" :8ar:
وكان سعد هو قعدة اهله ومدلع الى آخر دررررررجه
ويغارون اخوانه منه غيرة مهيب طبيعية !!
حتى لدرجة ان ابوهـ اذا جا يقومه للصلاة يحبه مع خدهـ ويمسح عليه لين مايقوم واذا
ماقام كب عليه سطل مويه ( <==ماينعطى وجه ) :8ar:
وهكذا كانت طفولة "سعد" ولد النعمــة
................
مرحلة المراهقة :في هالمرحلـة راح خوينا سعيدان للرياض عشان يكمل تعليمه ( <==يا
زعم ):8ar:
وكان سعيدان دافووووور ياكل الكتب اكل لدرجة انهم يسمونه "ابو شكب":8ar:
ومرة من المرارير كان عليهم امتحان مامدى الاستا يسلم الورقة الا وهو معطيها اياهـ
ماشاء الله قد امداهـ يحلهــا
وطبعا بما انه تربى في مدينة صار يعرف حركات عيالهــا وصار خوينـا ذا يغـازل
والمشكله انه اذا دق تالي الليول ماترد عليه الا عجيز مخلصه وتعطيه تهزيئتين
معتبرااااااات
وتاب عقبها لكن اصدقاء السوء اللي الله يكفينا الشر رجعوهـ لها العاده مرتن اخرى
فدق له مره على وحده ولسوء حظه انها كانت "نصراوية"في البدايه قام يستهبل
ويتطنز معاها وتقعد تمدحه تقول "يآآآآآي انت مرهـ مملوح وخفيف دم" عاد هو
طينها ابو الشباب قال "فيه نصراوي مات ولدهـ قال كله من الحكم" تفلت بوجهه
وصكت السماعه ..:8ar:
ومن عقبها اعتزل المغازل ..
..............
المرحلـة الثانويه:كبر خوينا سعيدان وكبر غثاهـ ..وطبعا كعادة عيال الثانوية لازم
اهلهم يشترون لهم سيارة فطلب سعيدان من ابوهـ سيارة لكن فيها ميزة خاصة ان
يكون فيها شبك على شكل "سنون كبار" :8ar:
وباليالله لقوا له اهله هالسياره ..
وصار عقبها من اكبر مفحطي الرياض ومن زود التناحه مره عقب ماخلصت امتحاناته
راح يفرفر يها ويفحط وصدم سيارة شرطه وانحاش وقامت تلحقه الشرطه وتلحقه وتلحقه
بس هو ذهين راح دخل في حواري "منفوحه" الحبيبه وعجزت الشرطه تلقاهـ :8ar: :8ar:
ومرة سرقت سيارته يوم جا يعمم عنهـا ابوهـ كتب "سيارة ليس لها مثيل ولاشبيه ..
تقول سن ولا هيب سن" ( <==اتحداكم شفتوا زي هالوصف ):8ar:
وابشركمـ بالنهاية لقوها واكتشفوا ان اللي سارقها راعي ارانب واعجبته السنون
وخذها ..همًن حلف سعيدان حلف طول السما والارض انه يشيل هالسنون ..وشالها بعد
ماتاذى نفسيــا ( <==قلت لكم حساس ورومانسي ):8ar:
...............
المرحلة الجامعية: مافيش لانه الضعيف من يوم ماتخرج بنسبة كنها وجهه ((على انه كان
دافور من زمان الا انها جته عين حاست مريرهـ ))عقابـا له زوَجه ابوهـ :8ar:
..............
ابرز انجازاته:
1_الشخص الوحيد الذي اعطي "بوز" من مدرسته لانه تنك فيها عشـر سنين :8ar:
2_الحزام الاسود في المصارعه
3_فائز سبع مرات بمسابقة اكل الجزر :8ar:
4_لقبتـه بـ(الذيب الامعط) :4ar:
...............
الحيـن جا الوقـت اللي تعرفون منهو خوينـا هذا ..
يمكن بعضكم عرفه وبعضكم لا ..
فراح اقولكمـ ..
انـــه بـلا شكـ مشرف الصردزعة "كـاتم الآهـات"
..كاتم الآهات ..
انه المحرك الاساسي لمنتدى الزين ..دينمو المنتدى ..
باختصـار شديد (( اذا ذهب كاتم ستسقط حضارة الزين )) :8ar:
..............
الـى مشرفيـنا الاعـزاء ..(( كاتم الأهات _ام صقـر _ذبحني غلاهـا )) اذا بتثبتون الموضوع
لاتشاورون تراني موافقه ..(<==اذا مادحدروا به للمكررة احمدري ربتس ):8ar:
وماعندي مانع بعد لو يروح للمميزهـ ..:44ar:
............
دمتــم سالميــن im8
مواقع النشر (المفضلة)