السلام عليكم
كيفكم بنات / اولاد ؟؟
بينما كنا طفشانين وقت المحاضره وصلتني ورقه مكتوب فيها شعر ولا احلى
وهو عباره عن معانات طالبات حبيت اكتبه للقارئ (علشان ما يظن ان حنا بنعمه ويعطينا عين)
طبعا للامانه العلميه هذي وحده من البنات كتبتها وقلت خلاص ياشاعره المليون ابنزلها بالمنتدى
عسى تربيحين المليون<<<<<<<<<طبعا المليون تبرع للمشرحه عندنا مثل ما وعدتني
المهم يا حلوين ابخليكم مع الشعر مع انه اقرب لهستره محششين<<<<علشان كذا غضيت الطرف عن بيت القصيد
بس ابي منكم الدعوات لكل النكوبين بجامعات المملكه ولا اطول عليكم اخليكم مع الفللللللللله
احم احم احم
يا نــاس هذي قصتي مع الطــــــب
عشت حياتي كأني في حاله حب <<<ياليت
احلم اني لابسه البالطو الابيض والسماعه
اجي للمريض واخفــــف اوجاعــــــه <<<ان شاء الله
كل يوم على ذا الحال لين جا ذاك اليوم اللي
دخلت فيه الطب والكل مبسوط مني
هذا يبارك وهذا يهني وهذا يموت قهر
والفرحه على وجه امي وابوي تسوى الدهر
ويافرحتي لما يقولون هلا بالدكتوره
امشي بين البنات فرحانه ومغروره
وفي لمناسبات احضر كأني اميره
والكل يسألني وانا اسوي فيها رزينه
انتهت الاجازه بكل مافيها من فرح
وبدت الدراسه وانا كلي حماس ومرح
قي البدايه كنت مليانه حمــــاس
مرت الايام وتبـــــلد الاحســــاس <<<انا ماخذيت فرصه
سمـــــــاح وانيلا وافرينا وفرحين
لا بــــــارك الله فيهم اجمعيــــــــــــــن <<لا تعليق
دراسه من اولها انجليزي وبــس
وفي الامتحان الاجابات كلها عليها x <<<نبي نفقدها لا خلصنا
هدى ومنى ومجدي وايمان وعزه
الله يجعل الارض من تحتهم مهتزه
معادلات ومحاليل وشرايح وانسجه
وفي الفيزياء الله بلاني بهالمسأله
اقضي ليلي زي المجنونه بين بكاء وضحك
صدق من قال شر البليه ما يضحك <<<لا تقولون مجانين بليز عبقريه
انتهت سنه اولى وكانت عصيبه
ودخلـــــت ثاني وكانت المصيبه <<<يا
جثث وعفــــــن وتشريح جنين
يارب رحمتك انك ارحم الراحمين
شراييـــــــن واورده مقطــــــعه
وجثث من شده العفن متحلـــــله <<لا تخافون مو فلم رعب
عظـــــام وجمـــــاجم مكسره
رجول ويديـــــــن كحوســـــــه (مفرتقه على قوله ثريا)
والعله عند البيو ودكتورته خوشتار
ام سنون مفرقه ونواظير كبــــــار <<<ماكذبتي يابنت...!
تجي تهـــــدر واحنا ننثـــــــــــبر
ومن تطلع الشكاوي عليها تنهمر
اما توصيف المعروفه باسم توسيخ
ما عندها غير التهزئ والتوبيخ <<<الا توصيف معجبه فيني
واذا جــــــــينا لايمـــان واميره
تنقـــفل عقولــــنا وماباليد حيله <<لا تلومونا فسويلوجي
كيف ارتفع السكر وانخفض الضغط
الظاهر ان كبدي في النهايه بينبط
ومحاضرات فهيد اخر مسخره
البنات عند السماعه مسوين فيها دفرنه
دلع ومياعه وقله ادب وصياعه
الله يوفقهم ويردهم لدرب الهدايــــه <<<تداركت الوضع البنيه
وعند كمال ندرس علم الاجنه
يبدأ الجنين بعلقه لايك عجينـــــــــه <<<< مع ان حنا وصلنا الشهر العاشر
تتطور منها كل اعضاء الجنين
تبارك الله احسن الخالقيــــــــن
وفي قسمنا ياكثر القرارات والتواقيع
بس مانلاقي غير التطنيش والصوت يضيع
وان اشتكيت قالوا نصيحه لوجه الله
حولوا او اجلسوا بالبيت والرزق على الله <<<شفتوا التحطيم
تمر الايــــــــام كأنها سنــــــــــــين
احيــــــــــانا نتحمس واحيـــــــانا نلين
مرات نقول ونتحداهم ونقــــــــول
احنا قدها وماعليــــــــنا قصــــور
ومرات اكثر نتحطم وتتبخر امانينا
من الظلم والدرجات اللي تبكينا <<الا طارئ الدرجات تبكي الجميع
لكن الله يعدي هالسنين على خير
ونتحرر من هالسجن ونطير <<<لاقرب مصحه نفسيه
ويتحقق حلمنا الوردي القديم
وندخل المستشفى ونقهر الحاسدين
وما اقول يالله انك ترحمنا برحمه
ترفع عنا بها كل بـــــــلاء وغمـــه
وسلامتكم يلا صفقوا لي
ملاحظات مهمه
1-جميع الاسماء المذكوره من راس الشاعره العظيمه<<<<<<هين
2-هذي اكيد معاناه كل طالبات قسمنا بكل الجامعات
3-لا تدققون بالكلام او الاملاء او الصياغه <<<<<<<اهم شئ المعنى يوصل
4-المصطلحات الغير مفهومه ارجوا الابلاغ عنها
5-اشكر لكم حضوركم واتمنى الرد حتى لو مافهمتوا شي
بليز هالاختصار عاجبني حييييل
تحياتي (دخاتره المسقبل)
مواقع النشر (المفضلة)