[align=center]السلام عليكم ورحمة الله وبركاته[/align]
[align=right]بآريس - منتديآت الزين ..[/align]
[align=center]دعوة للإعتراف " فيس يقول يالله سترك "[/align]
[align=justify]يقول أحد اساتذة علم النفس : أن الإعتراف بين فترة وفترة يجعل الإنسان يعيش حياة أفضل من الإنسان الذي يكنز كل شيء داخلة ولا يتكلم البتّه ! .. " أحس إن علم النفس = علم الملقف : ) يعني لازم يعرفون كل شي نسوية !! والله اللقافة " ,, لكن بنفس الوقت الإعتراف صح إنه شي حلو .. ولكنه صعب جداً ,, لذالك بما إننا في عالم النت ومحد يعرف الثاني نحصل دايم مواضيع الإعترافات كثيرة ,, ولكن في حياتنا العامة ما فيه أحد يفتح فمه بالمرة الخوف إنه يجيك واحد يمسك عليك سالفة وتبتلش فيه تقول ياليت معرفتي فيه بس فالنت كان فصلته من زمان عنا وارتحنا ههههههههههههه ,,
وتختلف مواضيع الإعتراف عن بعضها البعض ,, فمثلاً في قسم الألعاب يكون الإعتراف فقط من باب زيادة المشاركات .. فجد بعض الردود يكتب : أعترف اني طفشان ! < لا يا شيخ ! عسى ما تكلفت بس ههههههههههه ,, يقالة الحين جاب شي مفيد كلنا طفشانين بس وش المطلوب يعني ؟! وحتى أصلاً الموضوع في الأألعاب مدري وش يبي !! .. يعني قسم الألعاب وفيه اعتراف " فيس يقول قسم الألعاب = القسم العام " < يعني الحين اللي يشوفك يقول موب قسم الشباب " فيس متوهق "
كذا مرة لاحظة في كذا قسم هنا عن مواضيع الإعتراف ولا أدري إذا كان أصلاً في نفس الصفحة ذي موضوع اعتراف ولا لا " فيس متوهق خايف من المكرر " .. ودخلت كذا موضوع واعترفت فيه .. لكن أحس إن الواحد وهو يكتب اعتراف ويدري إن الأعضاء يقرون الموضوع يحس بقليل من النشوة " ياذا النشوة اللي اسمع فيها ولا عرفتها " ( ذروة النشوة رقة الصوت .. عذوبة البحة .. عزة النفس .. هيبة الحضور ثقة في الامكانيات .. محمد عبده اصبح للطرب عنوان اصبح عنفوان ) " فيس يقول : من بادي الوقت im22 " ( موب فيس كاتم الأهات هههههههههههههه )
المهم إن الواحد إذا جاء يعترف يكون في حالة ارتباك شوي على كم دقة قلب .. على التفكير والتخمين بماذا سوف يرد الأعضاء عليك < ياعمري ياللغة العربية هههههههههه ,, ويمكن البعض يعترف اعتراف قديم جداًَ ويجيه أحد الأعضاء الفاضين ويستقعد له ويصير مرض موب علاج الإعتراف " فيس يخوف الأعضاء لا يعترفون " .. فمرات أقول إن الإعتراف غلط قدام الناس لأن فيه كذا تفكير للأعضاء يمكن كل واحد يخمن الموضوع على كيفه ويخرب الدعوة .. فلازم يكون المسؤول عن الموضوع واحد له علاقة مع علم النفس عشان يرفع فينا شوي " فيس متحطم من اختبار الموارد الشرية "
علم النفس هو علم يختص بنفسية الإنسان .. ولكن المشكلة في تفكير البعض إني لما أكون أراجع دكتور نفساني معناها إني مريض نفسي .. ولكن ينسى إن الدكتور يعطيني حلول أنا أقدر اسويها ولكن اخاف من عواقبها فهو قاعد يرشدني ويفهمني ويقنعني وانا انفذ .. مثلاً انا توهقت في موقف .. دائماً تلاحظون الناس يسألون إذا أنت توهت في موقف من أقرب الناس لك ؟ فيكون الجواب صديقي أو أخوي أو ولد عمي ولد خالتي اللي هو .. المهم إني ألجئ لشخص يسعدني على تخطي الموقف اللي صابني .. فيكون عمله كعمل الدكتور النفسي .. ولكن الفرق يمكن نتكلم حنى من باب خبرة .. والدكتور يتكلم من باب علم زويادهـ معرفة في مواقف كثيرة .. " المطلوب يعني " .. " فيس توهق "
فهذا يدل على إننا كلنا نطبق نظرية الذهاب لدكتور نفسي ولكن يكون مكان الدكتور أحد الأقارب أو الأصدقاء .. < طيب دام الدعوة كلها سطر وش له ماغطنا الف سطر فوق " فيس بينلعن جدفة " .. المهم إننا كلنا مريضين نفسيين < لا بالله كملت خلاكم مريضين الأخ .. خلاص روحوا المستشفى بكرة واخذوا عذر غياب عن الإختبار ..
لكن مشكلة الإختصاص بعلم النفس مشكلة كبيرة .. لأنه بعد كم سنه يصير عقلة غير قادر على التركيز .. ويخف عقلة شوي " يالله سترك " .. فعندنا مثلاً دكتور نفسي قبل في المستشفى .. لكن الحين صار مختل العقل .. ويتكلم كنه مريض نفسي بدرجة عالية لدرجة إنها حالة غير موقته بل دائمة .. هناك بعض الحالات تكون مؤقته من مواقف تصير على الشخص تأثر عليه فترة معينه وبعدين يرجع طبيعي .. اما الدكتور صار ملحوس " فيس ملحوس من اول ما سجل فالمدرسة "[/align]
[align=center]انتهت بربرتي $222
اسئلتي :
1- هل الإعتراف صدز إنه يجعل الإنسان " مرتاح البال " ؟
2- إذا كانت الإجابة نعم .. فهل جميع الأماكن أو الأشخاص يكون الإعتراف أمامهم أو يكون في أماكن خاصة وأشخاص معينين ؟
3- هل قبل جربت الإعراف ؟
4- أذكر اعتراف اعترفته وخلاك مرتاح < ياليل اللي بينشب للأعضاء
5- وجود موضوع للإعترافات في قسم الألعاب هل هو حل " فضفضة عن اللي داخلنا " ولا من جنبها ؟ أو إنه يحل مشاكل حالات خاصة ؟!
6- هل المقالة اللي كاتبها فوق صحيحة وتوافقوني عليها ولا لا ولا وش أحس فيه أنا ؟ " فيس انهبل بعد ما تكلم عن علم النفس "
وشكراً .. $222[/align]
مواقع النشر (المفضلة)