اسعد الله اوقات الجميع بكل خير .... هنا سعودي وايلي.. عبر اثير براطمه .. وتردد عشرطعش ميجا هيرتز طولي مستعرض او عرضي يستهبل يرحب بجميع المشاهدين .. تشير الساعه الى اللانهايه .. وتركض الثواني الى عالم اللا لقاء ورغبة مني في تلطيف الجو المتوتر المشحون بالاختبارات ... قررت ان اسدح موضوع جديد اتمنى انه ما سبقني فيه احد الموضوع باختصار لا يحكي قصة ولا يتكلم عن مغامره ولا يستعرض عضلات الخيال كما تعودت دائما ان اكتب بعالم الكتابة الساخره الله يكفيني شر ما تكتب يدي وما يحكي لساني ...
الموضوع باختصار شدتني تواقيع بعض الاعضاء وبدأت اتسائل ترى عن ماذا يعبر توقيع فلان او توقيع فلانه هل يعكس مدى التعبير عن شخصيته ... هنا السؤال ؟؟ واليكم الاجتهاد
سأعرض ثلاث تواقيع بطريقه عشوائيه ثم اقوم بعمل تحليل للشخصيه صاحبة التوقيع من وجهة نظري فحسب اللي بيتانس هذا عشمنا فيه .. واللي بيزعل ما ودي اكون وقح بس يروح لاقرب براحة ويصارخ ويطلع اللي بقلبه ويعود لبيتهم واضمن ارتياحه خصوصا اذا استلقى على ظهره وبدا يحك بطنه بشويش والا الله يحلله يروح يقص اظافره ويلعن الساعة اللي عرفني مع كل ظفر مسكين را تطير رقبته يعني بالعربي .........
قـــــلــــعــــة وادريــــــــــــن (( يعني وسعوا صدوركم ))
راح ابدأ بالاعضاء والمشرفين الكرام اللي شدتني تواقيعهم ومن ثم راح انزل الاجزاء الاخرى اذا لقيت الصدر الرحب .... طبعا عدد الاعضاء اللهم زد وبارك يروووع فراح انتقي عشوائيا..
نقول وبالله التوفيق
تواقيع الاعضاء ... رؤية برويَه ....وتحليل شخصية
جماعه توقيع ها الادميه فيه حكمه .. فيه وهج .. فيه جنون اعظم ... فيه نصيحة مفادها (( لا تكذب يبلاك الله باللي بلاني )) استطاعت بتوليفة رائعة ان تجسد اكبر تحدي لعلماء القرن .. وهي كيف يستطيع انسان بشري ان يفكر عن طريق خلايا شوشيه باستطاعتها الانقسام المايتوزي ( بافتراض انه يفكر يعني )
عق .. وبالتدقيق في التوقيع مرة اخرى .. نستنتج شي اخر .. فيه دلاخة بريئة ... مع احتفاظه برونقه واناقته .. اتصور ان برجه برج شفاط النمل
.................................................. .................................................. ........................................
طفلــــه في جســـــد عجوز .... او عجوووووز برووووح طفله ... يعني لو تفحطين مستحيل تجي مدحه الحق ينقال من اجمل التواقيع اللي شاهدتها احسها بنتي ليوونه لا قامت تستدلخ عند ابوها وامها تصميم يحكي شخصيه ...تحب افلام الكرتون ... ومشكلتها ما تنبسط الا بالكورتيزون .. يظهر لي من توقيعها انه تعاني مشكله .. واتصور ان ودها تفضفض وتقول شلون انا الحلوه الدلوعه الاموره يزوجوني شايب تسن وجه كوره
اتصور برجها برج ليدي ليدي ولا تهون هايدي
الانسان مراوغ .. يعشق التحدي والاثارة وان صاحبها شوي دباشة يموووت بالاكشن ... مثله الاعلى الفريق الخليوي اللي حاط صورته بصدر مجلسهم ... سألته مره وش تشتغل ووش طموحك ... قال بكل شهامه رجل أمن صح ان على كتفي شريطتين لا ووحده منهم ترقل بس عادي وعن طموحي اتمنى يوظفوني الاف بي أي لو دباسة على مكتب يقال انه كلف بمطاردة مشتبه به بالدوريه ومن الحماس سبق المجرم وهو يصارخ من فتحة الدورية ويقول : ههههاااي لا عمرك تقاوم ( تتحدى بالسرعة والعزم)
برجه برج السفتي
لكم تحيااتي وتقديري
سعــ وايلي ـودي
مواقع النشر (المفضلة)