[align=left][/align]
[align=center]السلام عليكم ورحمة الله وبركاته
:
:
:
ياهلا ومرحبا باللي دخل الموضوع
كيف حالكم وش أخباركم ... عساكم بخير ..؟
________________________
في ليلةٍ جميله ... من ليالي المغرب الحبيب..!
كنت جالس في أحد المطاعم.. !
وبالصدفه لقيت شباب سعوديين كانوا معي أيام الثانوي في نفس المدرسه .!
وتعشينا مع بعض ..!
ودار بينا حديث طوويل ..... المهم قلت لهم متى بترجعون ..( قالوا ... والله إذا خلصت فلوسنا رجعنا .. قلت كم باقي لها وتخلص ..؟
قالوا : يومين .. ثلاثه .. أو يمكن بكره
نط واحد كان معهم وقال : لاااااااااااا تخاافووون ... القصيده تفك الزنقه { وكان وواثق }
قلت ووش سالفة القصيده
قال: يااطوويل العمر هذي قصيدة الزنقاات
مجهزها من زماان إذا خلصت فلوسنا ..... رحنا لأحد هالأمراء اللي موجودين هنا يصيفون وهلينا القصيده عليه
ومايقصروون يعطونا شرهه تكفينا أسبوعين ..!
قلت ليش طيب مبهذلين عمركم وذالين نفسكم .... ووش اللي حاادكم ..!!؟
قالوا : ياخي نبي نسافر ونفلها حالنا حال النااس .... !
قلت طيب تفلها أسبوعين .... وتجلس بااقي السنه طفراااااان ..!
قالوا : ياارجال بكرره يصير خير
________________________
تشووف سعوديين للأسف يشحذوون في الخارج ..!
بحجة إنه أنسرق ...!
يقولي واحد من أخوياي كان في مصر في الصيف اللي طاف ..!
وجااه واحد سعودي عمرره بالعشرينات وقاله أنا أنسرقت فلووسي وانا ولد حموله ومدري أيش ..!
المهم قال انا أبي منك قيمة التذكره بس ..!
صدقه خويي وعطاه اللي يبي !
ثاني يوم وواجهه بالصدفه في أحد المطاعم ومعه مجموعة بنات عازمهم على العشا على حساب خويي
وخويي جته سكته قلبيه وقتها
______________________________
هذا حال فئه كــبيره في مجتمعنا ..!
حب مظاهر وتقليد بس ..!
فلان موووب احسن مني .... وفلانه ليه تسافر وانا مــا أسافــر ..!
الل يروح يآخذ قرض من البنك واللي بايع سيارته .. واللي حااشر نفسه سنه كامله مايشتري شي بس يحووش من الراتب عشاان يسافر ويصرف كل اللي عنده في أسبوعين أو شهر بالكثير .
ياجمـــــاعه { اللي مامعووووووش مــا يــلــزموووووش }
_____________________________
لكم حريــة التعـــبير في نطاق الموضوع طبعاً
كتبه الفقير لله :
هــيبة مـــلك [/align]
مواقع النشر (المفضلة)