المشاركة الأصلية كتبت بواسطة D.mna7y
ياليل التفكير السعودي..
طيب طيب.. بقولك وامري لله...
انا ودي اعرف ليه تنقلين مواضيعنا انا وباريس ..؟
بدل ماتحذفين رد تحذفين موضوع؟؟؟؟
انا بقولك شي ويمكن ماتصدقيني..
انا عندي 4 منتديات ملكي وربي اني ما اطبها واني من يوم جيت امريكا مسلمها لناس وتركتها منع اني ادفع رسومها..ماهو عشان شي بس عشان هي ماهي مثل الزين.. الزين مافيه زيه ولا منتدى....
لكن ورب الكعبه انه مايسوى نظره للوراء اذا نويت اتركه..واللي بيخليني اتركه انتي..
انا انسان جاي استانس ماحد يدري عن شخصيتي من اكون ولاحتى اسمي..وهل لي مكانه وهل انا معروف ولا لا؟..كل الكلام ذا راميه وراي وجاي استانس بالزين بس تجين انتي وتخربين عليه كل شي!! تراني ماني مراهق ولاني بحاجة الزين ومستعد الم اعضاء الزين كلهم واجيبهم في اقرب منتدى بس انا هدفي الفله والوناسه مع اني مكان اقدر افل واستانس فيه واترك الزين ومشاكله.. بس اني تعودت عليه وحبيته باللي فيه..
انتي حذفتي كم موضوع لي وانتي لو جربتي انه ينحذف لك كم موضوع كان احترقتي .. ولو استخدمتي من (ز 1) الف
ترا انا اسكت على حاجات كثير ما ابغى اسوي شوشره لأن هدفي بسيط وهو الوناسه..
وقلت لك كم مره انا ماراح ازعل منك لكن انتي مدري وش صار لك صرتي تتمادين كثير
امس حذفتي موضوع باريس ورفعتي ضغطه بدون سبب.. هل انا جيت واشتكيت لك؟؟؟؟؟؟
انتي كذا بتخلينا نترك الزين ولو تركت الزين وربي ان ماراح ينقصني غير شي واحد اللي هو الفله..
وبعدين ودي اقولك شي .. انتي للاسف تفكرين تفكير سعودي مره الناس وصلو المجرات موب القمر وانتي تقولين ما اضيف احد وتحطين ايقونه بعدترى موب كل من قالك ابي اضيفك تغزل فيك!!
وانا لو ابحث عنك بجيب عنك تقرير كامل وربي اني لالقاك مضيفه ناس كثير .. لكن هذا شي راجع لك عموما < يمكن انا شخص تافه والناس مايتقبلوني
برضو ذي وجهة نظر...
انا لازلت احترمك كشخص لكني ماني مقتنع في توجهاتك.. وهذا رايي وانا حر فيه..
مواقع النشر (المفضلة)