السلام عليكم
كيفكم طيبين ان شاءالله وكيف النوم معاكم
يحليلكم والله
والي ينام كثير اهب عليه
ليا اكثر من اسبوعين نومي كم ساعه بس
وفي ناس صارو زي الدجاج im22im22
تخيلو انام من الساعه 9 او 10 الصباح الظهر بالكثير 1 زي الجني صاحي
اش السبب ما ادري
المهم اجيكم بالسالفه الهبله الي صارت معايا اليوم
حسيت اني شارب شي او مبلبع شي
طبعا اليوم النوم نهائياً ماجا حاولت يمين يسار مافي فايدهـ
الغرفه باردهـ ومصكر الستاره والانوار ومصكر الباب ولا حبه نور باينهـ،
حتى تحت الباب حاط منشفه عشان النور
ولكن لاحياه لمن تنادي عيني عيت تغفى
لحد يجيني ويقول من الحب عشان لا افلقهـ، بلي جنبي << لحد يتلقف ويسأل وشو جنبكـ، الحاصل طبعا اضارب عشان انام من الصباح على الساعه 9 الين 11 الصباح ومانمت
قمت من السرير واول فصل صار طحت من السرير كيف طحت ما ادري عين وماصلت ع النبي
رحت الصاله عند اهلي جلسو يضحكو اول ماشافوني وجالسين يفكرو اش يتغدو
شافوني قالولي اش نفسكـ تتغدى قلتلهم نفسي انام
قالو خلاص نجيب مندي لحم قلت على راحتكم امي قالت انتا روح جيبو
قلتلها فيني نوم قالت اخوانكـ لسى ماجو وبيتأخرو
يعني راحت عليكـ ياسجين
واروح اللبس واغير واطلع واول ما انزل من العماره الشمس
اول ماصفقت جبهتي جاني نعاس مو طبيعي
رحت السيارهـ وبدى النوم يكبس صكرت المكيف وفكيت القزاز والجو كان حر برد كيف ما ادري
وصلت المطعم ياقوه زحمه كرهت نفسي لقيت الهندي قلتلو ربع ذبيحه لانو يعرفني قالي طيب
رحت دخلت الصاله حق المطعم وجلست وبدت الحكايه اليوم
سحبت امها نومهـ، ولا حياه لمن تنادي
والجوال من دلاختي في السياره
وانا دوروني نوووووووووووووووووم
جا الهندي يصحيني ومن دفاشته جالس يضرب في ظهري بقوهـ،
<< ماينام على ظهرهـ ابدا
وانا اقولو طيب شويا بس
يقول قوم ياهبيبي
جت اقولو هات الحاف ههههههههههههههههههههههه
بعدين جا صاحب المطعم يصحيني يقولي ياولدي ياولدي انتا تعبان فيكـ شي
قمت اطالع فيهـ، زي كذا
وافز من مكاني اقوله الساعه كم يقول عصر
ادور جوالي ماهو فيه
اقول لصاحب المحل جوالي انسرق والعمال سرقوني
راح جمع العمال حق المطعم im22
ويقولي تشكـ في مين قلتلو انا نايم اش دراني
وجلس يعصب عليهم وانا خلاص اعصابي في خشمي
حلفت يمين ما اطلع الا بالجوال
قالي كم قيمة الجوال
قلتلو انا الجوال ما ابغاهـ بس ابغى الشريحه فيها الاسماء
قال هدي نفسكـ يمكن ناسيه في البيت
قلتلو انا من اهم الاشياء الجوال ماعمري نسيتو
المهم صلينا العصر وانا قلت ماني طالع الا بشرطه
واتصلت على اهلي من جوال الرجال اول ماسمعت صوتي امي قالت فينكـ 3
قلتلها شويا وجاي قالت ساعتين في المطعم وليش ماترد على جوالكـ
قلتلها جوالي انسرق
قالت اهم شي انتا بخير قلتلها ايوا
قالت افتكرناكـ سويت حادث ولا شي لانكـ كنت تعبان
قلتلها لا لاتخافي ويلا سلام
وصلينا العصر ومنتظرين الشرطهـ، ومدري اش الي خلاني اقول يمكن في السيارهـ،
وافتح السيارهـ، والقاهـ ع المقعدهـ
والرجال ورايا يطالع عليا من المطبخ
قالي بشر لقيتهـ، وقتها ماعرفت ارد
صكرت السيارهـ وجيتو قلتلو تصدق لقيت الجوال في السيارهـ
طالع فيني ووجهو بيطلع منو شرار
تتوقعو اش صاري من بعدها وش العمال الي اتهمتهم صار فيهم ...........!
<< عجبتني فكره التشويق هههههههههههههههاااااااااااااااااااااااااي
بربات بعدين نكمل بس اذا فيه اي كلجه لاحد يدقق لاني مارجعت اقرا الكلام لانو طويل زي يوم السبت
سي ياااا
مواقع النشر (المفضلة)