:45ar:
الصرقعه تحلو مع هذهِ العقليه الفذه
ماودي اني افضح المدير المالي تبعي :) .. ولكـن هو اللي اجبرني على كوذا
محد فيكم سئل نفسه ليه سعودي حاط هـ المسمى وهالصوره الشخصيه ..! !
حياة سعودي كلها ليش × ليش فيه تعقيييييييييييييييييييييد عجييييب :9ar:
خلونا نشوف ملفه الشخصي ومن بعدها نسرد حالة النفسيه ,,
النك نيم : s3odi
المسمى : ليش [ انا ] ماسويتلكـ شي
الصوره الشخصيه
نبدا بسم الله بسرد مـ حصل معـه
" سعودي إنسان معقد وان شاف اي شي يسأل عنه حتى لو كان شي واضح .. ! عاد مره
كان قاعد عند حنون بجنون وشافه يسوي تمارين رياضيه "
دار التالي :
سعودي: شقاعد تسوي .؟!
حنون بجنون : انت تشوفني ارقص ولا وش ؟!
سعودي: لا بس حبيت اعرف يعني
حنون بجنون : اسوي تمارين رياضيه
سعودي: رياضيه ؟؟؟
حنون بجنون : لا سياسيه اقتصاديه
سعودي: لا صدق حنون وشووو ؟
حنون بجنون : يبه ترى دوختني
سعودي: يا بعد قلبي جاوبني رياضيه ؟
حنون بجنون: اى اى اىىىىىىىىىىى
سعودي: اهاا زين ليش قلت اى وما قلت نعم .!!
حنون بجنون:اثنينهم نفس المعنى
سعودي: لا .. مو نفس المعنى .. هذي اي والثاني نعم
حنون بجنون: قول الفرق يا المتنبي .!!
سعودي: الفرق ان الشكل غير
حنون بجنون: افففف احسبك قايل شي
سعودي: مو كفو احد يسولف معاك
حنون بجنون: اقول ترى فقعت مخي .. يا تنثبر او تطلع برى
سعودي: ليش قلت تنثبر وما قلت اسكت .؟!
حنون بجنون: يوهووووووووووووه ابتلشت بالمعقد هذا
سعودي: ليش قلت معقد وما قلت مادري شلون صاير
" شاله حنون بجنون ويحذفه برى " سعودي: ليش شلتني بايدينك وما شلتني برجولك .!!!
" سد الباب بوجه سعودي وريح باله ويروح لـ كاتم الاهات وشافه يطالع تلفزيون والتحديد يناظر مسلسل رومنسي
وقعد سعودي عنده ويخزه "
دار التالي :
كاتم الاهات: ها شعندك تخز .؟!
سعودي: فيه شغله محيرتني .!!!!
كاتم الاهات: وشي .؟؟
سعودي: ليش الناس يشوفون بعيونهم وما يشوفون بخشمهم ؟؟
كاتم: بالله عليك هذا سؤال .!!!
سعودي: لا صدق الواصل بس محيرني يعني ليش بالعيون مو بالخشم
كاتم: تدل الباب .!!؟
سعودي: ليش قلت تدل وما قلت تعرف ..!! فرق كبير
كاتم: لا حول ولا قوة الا بالله انا بعرف الله ليش بلاني فيك وبعقليتك
سعودي: ليش قلت الله بلاني فيك وما قلت الله قطك علي .!!
كاتم: يا ناس يا عالم فكوه مني بليييز قبل لا انفجر واذبحه
سعودي:ليش قلت يا ناس وما قلت يا اوادم ليش هااااااااااا
كاتم: اقول عن اذنك بروح لغرفتي قبل لا اتخذ فيك قرار واذبحك < يـ شرير :)
سعودي: افا تخليني لحالي .؟!
كاتم: جننتني ما عندك سالفه تقولها غير سوالفك المعقده
سعودي: مو كفو احد يكلمك يالله تبي شي
كاتم: ابي فرقاك
سعودي: ليش ما قلت سلامتك يعني تكرهني .!! سامع عني كلام ؟؟ قولي منو اللي قايلك الكلام .؟؟؟
كاتم: يوووه والله محد طلع كلام خلاص اسفين .. كلمه وسحبناها
سعودي: ليش قلت سحبناها وما قلت رديت فيها
" من التعقيد كاتم راح ركض لغرفته ونسى اغراضه بالمجلس عند سعودي و يطلع وراح عند فاتنة العيون
لقاها قاعده فوق السطح وتناظر فوق وسعودي يناظرها "
دار التالي :
فاتنه : شفيك ترى شككتني بنفسي بخزك هذا .!!
سعودي: لا مافيه شيء بس اتأملك شلون تطالعين النجوم
سعودي: اهااا
سعودي: تصدقين ودي عندي سياره تمشي عالهوى عشان اروح للنجوم بتكسي :)
فاتنه: شلوووون .!!
سعودي : بصراحه ودي اشوف وشو على النجوم يعني فيه ناس عايشين هناك
فاتنه: لا يبه هذيل نجوم زينه للكواكب ومحد يعيش فيهم
سعودي: اممم بس اتذكر بباي شفت حلقه فيها النجوم تضحك قلت يمكن اهم كائنات حيه
بس احنا ما ندري عنهم
فاتنه: .........
سعودي: حتى اتذكر لعبة سيجا كنت العبها اللي يغامر فيها نجمه عاد من هنيا زاد فضولي
لمعرفة سر النجوم
فاتنه: اقوول ترى مو ناقصني تعقيد .. توصي بشي
سعودي: شدعوى اجلسي ودي افضفض لك شووي
فاتنه: روح فضفض لغيري مو فاضيه اتعقد :189[1]:
سعودي: فض فض .. اممممممممممم اسمها عجيب بس منو الف هالكلمه ؟
الفاتنه: انا وش يدريني قالولك قاموس
سعودي : ليش قلتي قاموس وما قلتي معجم ... سؤال يحتاج لجواب .!!!!
الفاتنه: اقول ان ما مشيت ترى بسد الباب بوجهك
سعودي: ليش ما قلتي ترى بدخل واخليك عالاقل يكون معناها احلى
" دخلت فاتنة العيون وسكرت بوجهه الباب وسعودي يروح يتمشى ولقى بوجه ديو
دار التالي :
ديو: شفيك تخز رجولي .؟! شايف فيهم ثلاث اصابع؟
سعودي: لا بس اللي محيرني ليش الانسان يمشي على رجوله ؟؟؟
ديو: بعد ليش ... تبيه يمشي على ايدينوه ولا خشموه .! :)
سعودي: ودي يمشي على بطنه مثل الحيه
ديو: ليش ؟!
سعودي: عشان لو عجبه شي فوق الشجر يقدر يتسلقها بسرعه احسن من انه يحذف
نعاله " حشى القارئ " وينتظرها تطيح
ديو: بصراحه تفكيرك عجيب
سعودي: افا عليك حبيبي هني التفكير المنطقي
ديو :اي مبين عليك
سعودي: تخيل يكون راسك بمكان رجلك اليمنى وايدينك ورى ظهرك ورجلك اليمنى بمكان راسك
واليسرى بمكان بطنك وبطنك بمكان رجلك اليسرى
ديو: العن ابليسسسسسك معقققققققققققد
سعودي: انت كل شي خليتوه معقد خلاص خل اسكت ابرك
ديو: احسن مافيك انك تفهمها واهي طايره
سعودي: شلون يعني طايره يعني كلام يطير بالسما وانا اقراه .. هذا قصدك ؟!
ديو: يا معقد اقصد انك تفهم بسرعه
سعودي: اها قول كذ1 ... صح تخيل الانسان يمشي على خشمه خخخخخخ
ديو: وشلون يشم ؟!
سعودي: عادي يشم من اذونه
ديو: ترى سوالفك تجيب النوم .. بروح عندي شغل ضروري
سعودي: ليش ما قلت مهم بدال ضروري .؟؟؟؟
عقاب: يوهوووووووه
" راح يركض وخلاه لحاله ويروح للبيت ولقى امه ام صقر :18ar: قاعده عالتلفزيون
وتغير بالقنوات و يستغرب من الريمونت "
دار التالي :
: يمه
ام صقر: هلا وليدي
سعودي:ليش نقولك يمه وما نقولك يبه ؟؟؟ بصراحه محتار حدي
ام صقر: لا تصير معقد لان هالسالفه ما يحتاج لها جواب
سعودي: يمه عفيه لا ترديني
ام صقر:اووه زين ... يمه مشتقه من كلمة ام عرفت
سعودي: ليش قلتي مشتقه وما قلتي مأخوذه ... مادري ليش تلعبون باللغه
ام صقر: لا تغثني ترى اصقعكك بالريمونت
سعودي: ايوااه ذكرتيني .... ليش يغيرون القنوات بالريمونت وما يغيرونه بالتلفون
مع ان مافيه فرق بينهم .. هنا ارقام وهناك ارقام بس فيه شغلات زايده بالريمونت تميزه عن التلفون
ام صقر: زين يا وليدي شرايك تسكت ولا اصكك بالريمونت على راسك عشان تفكني من سوالفك المعقده
سعودي: ليش اخترتي راسي بالذات .. فيه امكنه غيره يعني عندج ظهري وبطني وخشمي وعيوني
ما لقيتي غير راااااسي .. اكيد براسي شييييييييييييييييييييييييي
" راح للمرايه وشاف راسه " سعودي: يمه ليش فوق راس الانسان شعر .!!
ام صقر: اللهم طولك ياروح ... يا حبيبي الشعر عشان يعطي للشكل جماله وحلاوته
سعودي: امممممممم زين فيه ناس عايشين تحت الشعر ؟؟
ام صقر: يا اثول فيه كائنات حيه مو ناس
سعودي: اي هذا اللي اقصده كائنات حيه بس نسيت اسمهم وقلت ناس
ام صقر: اقول ما تذلف عني لاني مو فاضيت لك
سعودي: ليش قلتي اذلف وما قلتي روح لان هالكلمه اهون من اللي قبلها
" عصبت ام صقر وتحذف عليه الريمونت وراح ركض لابوه ابو صقر يبكي و يحضنه ابوه "
دار التالي :
ابو صقر: شفيك يا وليدي ؟؟
سعودي: امي طقتني
ابو صقر: ليش طقتك ؟؟
سعودي: لاني كنت اسالها اسئله عن الريمونت جان تزفني وطقتني فيه
كحيلان: ام صقررررررررررررر
ام صقر : هلا آمرني
ابو صقر : شفيك على سعووديي
ام صقر: وجع يا شين الدلع لو مسميه اسم ثاني احلى من هالاسم
ابو صقر : جاوبي على سؤالي ..!
ام صقر: غثني بسوالفه اللي مالها داعي
ابو صقر: امممممم ازين ليش قلتي مالها داعي وما قلتي مالها معنى
سعودي استانس : هيااا يعني فيه احد غيري مثل سوالفي
ابو صقر : ليش قلت مثل سوالفي وما قلت مثل كلامي
ام صقر : يوووووووووووووووووووووووووووه
ابو صقر : ليش قلتي يووووووه وما قلتي اوووووووووووووووووووووووووف
سعودي : ليش قلت يووووووه وما قلت آآآآآآآآآآآخ يا راسي
ام صقر انجنت: ليش قلت آخ يا راسي وما قلت آخ يا قلبي
" ظلّوا على هالحال لين شيبوا وماتوا ودفنوهم وكتبوا على قبرهم ( ليش اندفنا هنا وما اندفنا هناك)
وانتهت حياة المعقد المشهور سعودي والحين له كتب واهم كتاب اسمه
( ليش [ انا ] ماسويتلكـ شي )
يالله لاتبلانا
ملطوش من الجيران وتمت السمكره والصبغه
<<
مواقع النشر (المفضلة)