عــز ّنفسك ترى المعزّ ((غريزة))
السلام عليكم ورحمة الله وبركاته ...
بسم الله الرحمن الرحيم
اتمنى تحوز على رضاكم
ابعد و عن درب المذله تنزَّه
واعلم ترى بالناس خاسر وفايز
وكب اللي يجرح العزه عــزَّه
و لاتاخذ الا من خيار العزايز
العز كسب اهل الثنا والمعزَّه
والذل كسب مخاشرين العجايز
والمجد له بأول العمر فزَّه
فيها تحين الفرص والنهايز
الريح تضرب بالجبل ماتهزَّه
والغصن تومي به هبوب الجرايز
مني هـاك العلم و أفهم مكزَّه
والا مزحت اضحك ترى الضحك جايز
للضحك حزَّات و للجد حــــــزَّه
والهزل ماعاب الرجال العزايز
قلته و أنا عن كل ذل متنزِّه
ولانيب عن قول الصحيح متحايز
للطين منقاع وللرمح غـــزِّه
وألا الردى والطيب حظ و غرايز
وسلامتكم
تحيااااااااااااااااااتي
محمد الوضاح التمياط الشمري
رد مع اقتباس
محمد التمياط
مواقع النشر (المفضلة)