-
خوّيتي
السلام
قصيدة شعبية والفصيح المرة الجاية إن شالله
ولا تفهمون القصيدة غلط من البداية ..
خوّيتي
يا راعي الفندق اعتزنـاك وافهمهـا
وياحبني يوم اعيّن شخـص فاهمنـي
ابي لـي سويـت ياخذنـي وياخذهـا
سويت مضبـوط ياخذهـا وياخذنـي
خويّتـي جعلنـي والله مـا اعدمهـا
وهـي بعـد جعلهـا والله ماتعدمنـي
اللي ليا احتجت شـيٍ جيـت زابنهـا
وهي بعد تنبسط وتموت فـي زبنـي
في قلبهـا كلبـو الاسـرار حافظهـا
وهي تحافظ علـى سـرّي وتحفظنـي
يازيـن هدووهـا لاصـرت حاظنهـا
وهي تواسا علي وتْقـر فـي حظنـي
بطني على بطنها وايّـديّ فـي يدهـا
وهي على قربها تدني علـي وادنـي
لاتروح عينك على الصالـة تدوّرهـا
كانـك تحـاول تدوّرهـا فـدوّرنـي
افكار بعض العرب ما عـاد نضمنهـا
نضمن مباديـه والتفكيـر ماضمنـي
خويّتـي شنطتـي قدّامـك احْملـهـا
وليتك مع اللفـت تحْملهـا وتحْملنـي
نبـي لنـا غرفـةٍ يالقـرم نسكنهـا
الله يجيرك من المسكـون والسُكنـي
طـول المسافـات متعبنـي ومتعبهـا
والا الحقيقـة تعَبهـا اللـي متعبنـي
قال انت دعـواك خابزهـا وعاجنهـا
وانا التعب والسهر والهـم باعجنـي
هذا انت واقف على الزحمة وشايفهـا
بعيونك تشوف مثل ما انـت شايفنـي
ماعاد فـي الفنـدق اجنحـةٍ نأجرهـا
ويالله على الصدق ياربـي تواجرنـي
كل الغرف فيه محْجوزة علـى اخرهـا
وهذا هو اللـي مجلّسنـي ومخّرنـي
حتـى البنيـات تاركتـن منازلـهـا
ماتشوفهن في الدرج واللفت ينزلنـي
اللي مع اصحابها واللـي مـع اهلهـا
واللـي تأهـل بهـا اللـي مايأهلنـي
واللي تغـرّب ولا احـدٍ داريٍ عنهـا
يعني بـلا محـرم ويعنـي ولايعنـي
قلت انت هرجتك ما ادري ويش داخلها
قال انت هرجتك منها الشـك داخلنـي
قلت اطرح اهدومها وانطـل ببرقعهـا
بعـض البراقـع تراهـن مايبرقعنـي
قـال المدافـع مـركـزةٍ ذخايـرهـا
وماحدٍ بذاخـرك للعـوزة وذاخرنـي
قلت احتمى سوقها كان انـت بايعهـا
قال احتمى سوقها كان انـت بايعنـي
قلت انتهينا عقـب مـازان مطلعهـا
قـال اذكـر الله وفيهـا لاتطلّعـنـي
قلـت الامانـة لاضيعهـا مودعـهـا
ماتقّـدر تقـول لاخُذنـي ولادعـنـي
نسّيتنـي شنطتـي بغيـت اضيعـهـا
وتقـول بعديـن همّلنـي وضيّعـنـي
خويّتـي جعلنـي والله مـا افقـدهـا
وهـي بعـد جعلهـا والله ماتفقدنـي
تحية
ظميان غدير
-
][ شـاعــرة الزيــن ][
- معدل تقييم المستوى
- 19
خويّتـي شنطتـي قدّامـك احْملـهـا
وليتك مع اللفـت تحْملهـا وتحْملنـي
نبـي لنـا غرفـةٍ يالقـرم نسكنهـا
الله يجيرك من المسكـون والسُكنـي
ظميان غدير
صح ذوقك صح كلك لرقي هذا الحضور
ومع شاعر وكاتب مثلك لن نذهب بالفكر
بعيدآ فأنت عنوان للرقي والذوق
اشكرك
-
خويّتـي شنطتـي قدّامـك احْملـهـا
وليتك مع اللفـت تحْملهـا وتحْملنـي
ظميان غدير
استمتعت بقراءة تلك القصيدة
سلم لنا رقي ذاقتك وجمال نقلك
دمت بسعادة قلب
-
-
الاخت الشاعرة حوراء بنت نجد
شرفت صفحاتي بحضورك الجميل
اسعدني ان نقلي أعجبكم
تحيةلك
ظميان غدير
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)