هذه القصيده لـــــــ خادم الحرمين الشريفين الملك/فهد بن عبالعزيز رحمه الله,عندما كان مريضاً في لندن في شهر شوال من عام 1385هـــ في عهد حكم أخيه الملك فيصل رحمه الله ,حيث بعثهاإلى الأمير/فهدبن سعد يشكو فيها قساوة المرض,حيث قال
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابوسعد صارت على اخوك غـارات=شهرين اقاسي من شديـد الغرابيـل
سو المرض يحمل على أخوك حملات=مافي يدي حيله ولافـي يـدي حيـل
والله فزع من فوق سبـع السمََـاوات=وانا احمدالله يوم صـارت تساهيـل
ماينفـع الخايـف والايـام عجـلات=الخوف ماينفـع ولا القـول والقيـل
حنا هـل العوجـا ولابـه مـروات=شرب المصايب مثل شرب الفناجيـل
لاشك انا مشغول في كـل الاوقـات=على الـذي حنـا بظلـه رجاجيـل
ماني على نفسـي كثيـر الحسافـات=لاسلم راسه روسنـا رفـاع بالحيـل
حامـي حمانـا بالليالـي المخيفـات=لو صـار بالعالـم كثيـر الزلازيـل
فخر العروبـه بالعـدل والمسـاواة=هذاك هـو فيصـل ولافيـه تشكيـل
يشهد له اللي شاهـدوا منّـه نفعـات=ويشهد له التاريـخ جيل(ن)بعدجيـل [/poem]
فأجابه الأمير/فهدبن سعد رحمه الله بهذه القصيده:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامرحبـا بكتـاب زبــن المـخـلات=اهلا(ن)هلابـه عـد وبــل الهمالـيـل
حمـدت مـن زال الكـدر بالمـسـرات=فكـاك مـن صكـت عليـه المحابـيـل
فـزع لـك الـلـي عالم(ن)بالخفـيـات=مبري جروح ايـوب غيـث المراميـل
لعـل مايزعـج علـى فقـدك اصـوات=ولعلهـا لــك يابوفيـصـل تماهـيـل
الله يجيـرك مـن صواديـف الآفــات=عسـاك تسلـم ياعشـيـر المشاكـيـل
ماانـت برخيص(ن)ياربيـع القـرابـات=لوهي بالايـدي كـان دونـك حلاحيـل
تـرا لنـا بـك يافتـى الجـود هقـوات=فـي وقتنـا الحاضـر وباللـي مقابيـل
يفـداك ربع(ن)قـصـروا بالمهـمـات=اللي علـى الهقـوات ماتنطـح الشيـل
بعض العرب حي(ن)ومن عرض الاموات=مايرتجـى نفـعـه بـحـل المشاكـيـل
وفيصـل ذرانـا بالسنيـن المخيـفـات=هو درعنا الضافي إلـى ضدنـا الميـل
اللـي نقـل عـنـا حمول(ن)ثقـيـلات=راس الحصيـل ان كملـن المحاصـيـل [/poem]
مواقع النشر (المفضلة)