السلام عليكم ورحمة الله وبركاته
كل سنه وانتم بخير
من زمان عن المواضيع
أخذت ساعه احاول اكتب العنوان ماادري وينه
شلونكم مع البرد im3
"
راح ادخل دوغري في الموضوع
من قبل أسبوع كنت جالس أنا وأخوي وأخوي الثاني وعمي
المهــم الساعه كانت تشير الى 2 صباحاً
قعده حلو وسوالف المهم أنا جالست اقولهم عن تفكيري يوم أني صغير
وبعض الاموار اللي كنت اسويها يوم أني صغير
البعض منها يفشل والبعض يضحك والبعض فضيحه
المهم أنها جت براسي انزل فيها موضوع ونشوف أنتم بعد وش عندكم
"
راح اقولكم البعض منها
لما كنت صغير وش حليلي أهبــل
شعري طويل وخدودي حمراء <<< الا الظاهر أقرع والخدود شهب images11
كان علي تفكير ماادري وش يبي
كنت احسب الا يطلع له بحلق عظمه اللي هي تفاحة أدم
كنت أحسبه كافر لاني اشوفهم دائم في الافلام الامريكيه
المهم ومره شفت خالي اول مره أشوفه كان في العشرين عمره
قلت ياالله خالي كافر وحزنت عليه im3
وأروح اقول لامي
المهم أني تكفخت منها im1
هذي عينه من تفكيري
وكنت غثيث شوي ودبوس
بس الحين تغيرت كثير ترى
واذا بغى أبوي يروح الدوام كنت اصيح ابي اروح معه
أنا واخوي اللي أكبر مني << تفكيرنا كان متشابه
وكنا اوقات العصر نلعب باالحصى سيارات
وأنواع الحوادث واشارات وزحمت سيارت .. أقصد حصى
كان ماعندنا مثل التطور الي الحين حاصل من الالعاب
بلاي ستيشن وأكس وبوكس ومن هاالاجهزه الحديثه
يعني ماعشنا طفوله مثل طفولة هاالايام
وفيه بلاوي بعد كنت اسويها بس بلا فضايح
"
زبدة الموضوع نبي نتكلم عن الطفوله وتفكيرها عندكم
ياالله كم سوال ندردش فيه
.
/ هل كنت / كنتي عندك معتقدات او تفكير معين في بعض الاموار . أذكرها ؟
/ وش اكثر شي تذكره من الطفوله وتضحك منه ؟
/ هل تغير فيك شي من الطفوله او باقي تحتفظ فيه ؟
/ ايهم أحسن طفولة هاالوقت او زمان ؟
/ وش رايكم في طفولتي im3
وذا فيه اضافه تكلم فيها عن طفولتك ..,
محدثكم .. جارح
ودمتم بخير
مواقع النشر (المفضلة)