السلام عليكم ورحمة الله وبركاته
مسيهم بالخير
طامي هل تريدنا ان نذهب الى اين يا ابي إلى عليان العنزي انهُ عازمني يقول
لي هل تريد ان اوريك بدن << على كلام العنزي اي وعل
انا متى نذهب يا ابي الآن انا الآن نعم الآن طبعا يوم الاثنين اللي فات الكلام هذا
الساعه تقريبا 9 مساءً
طيب لحظه يا ابي اريد ان آتي لي بوكيل يحل محلي يوم الخميس في العمل ابي طيب واستعجل يا ابني
انا هيا بنا يا ابي انني وجدة الوكيل تحركنا على القافله الساعه 12 بعد منتصف الليل
على متن المركبه طامي وابيه الكابتن سواق ابي وانا الكابتن المعاون
الرحله من الرياض مرورا على القصيم مرور الكرام على حائل مرور الكرام ايضا إلى العلا
تبعد عن حائل تقريبا 500 كيلو اي من الرياض تقريبا 1200 كيلو متر مربع
نرجع عاد على كلامنا اللي يفتح النفس حركنا من البيت مثل ما انتم خابرين
الساعه ياطويلين العمر 4 وربع الفجر تقريبا وحنا واقفين قبل حائل بـ 20 كيلو
ناخذ لنا غطه ننام لنا شوي والله يا ان ابوي لاعن خير الموتر طايرين هذا يعجبني في ابوي دايم
قمنا الصباح الباكر وحركنا مرينا حائل وطلعنا منه غرب وافطرنا في محطه والله مدري وش اسمها
كان الفطور مقلقل لحم + عدس لأبوي بس والله مايضبطونه
فطورهم
بعد ماقربنا من العلا الصراحه اعجبتني التربه والضلعان اشكالها حلوهـ بالمرهـ
رحلتنا طبعا عشان المقناص
ادري اني مشتت الافكار لكن مالكم إلا الصبر
وهذي بعض الصور قبل ماناصل خوينا في العلا
لا تدققون في التصوير ترا القزاز كان وصخ من االخط في الليل
الصور ماهيب واضحه من القزازهـ + السرعه الجنونيه
بعد ماصولنا خوينا تقريبا الظهر تغدينا عندهـ وحركنا لشعيب يبعد عن العلا تقريبا 100 كيلو
انا ما اشوف الدرب ابي النوووووووم يالله اني بس اصبر نفسي عشان ما انام
اول مادخلنا الشعيب وصلينا المغرب والعشاء على طول سحبتها نومه المغرب
صلينا الفجر وافطرنا الصبح اخذت البندق انا وابوي معه بندقه ومعنا ماء مشيا على الاقدام
حنا جايين نبي وعول مانبي غيرها المهم مشينا ومع هالشعبان ماخلينا محل إلا ماجلسنا
ندربل عليه ولا شفنا شي ولا رجعنا لأخويانا عند السيارهـ إلا الساعه 4 ونص العصر
رايحن فيها من المشي ووالجوع مشينا اكثر من 10 كيلو عاد ياشينها لاصار مبطي مامشيت وتكرف
مرتن وحدهـ وليتها على المشي بس نرقا الضلعان بعد }{ الجبال}
المهم وحنا نمشي انا استغربت لي مناظر قديمه اثار مدري عاد كم عمرها
ما ابي اكذب مثل اللي يكتشفون ويقولون 3000 سنه ولا اكثر المهم انها قديمه وبس
الصراحه انا ماصورت إلا هي لأن الجوال شاحنه في البيت واطفيه وإذا شفت لي منظر
شغلته وصورة بس والله ياهم ينحتون ورسامين
هذا يوم الخميس اول مقناص لنا مالقينا شي فيه
لقينا جرة ارانب وبران بس الوعول مالقينا شي
رجعنا المغرب لمزرعة خوينا في المغيرا وقال واحد منهم فيه مقناص
قريب بنلقى وبران وان شاء الله نلقى وعول المهم تعشينا في المزرعه
ذبيحه ضيفتنا ومشينا على طول ونمنا في البر عندها اصبحنا
انا طبعا رجليني راحن وطي من النعول الله يكرمكم الله لايعيدها مالبست شرابات ومع الممشا
احرقت الرجلين تنفخت المشكله ان الشرابات معي بس قلت بتذبحني بالحر
قمنا الصبح افطرنا رقينا ضلع الله لايعيدهـ طويل مشيت انا واحد مع شعيب وابوي مع شعيب وواحد معه
طبعا لقينا جرة ارانب ولقينا جرة وعول لكن الله ماوفقنا فيها مادريت إلا صوت الوبر شايفنا
مشينا واشوف اثنين جايات زابنات يم المابرهـ يعني بيتهم
وحنا فوقهن صرنا بينها وبين مابرتهن جلسنا ويرمي خويي واحد ويطرحه ودخلن الباقيات
جلسنا شوي إلا يوم طلع الثاني وارميه واذبحه وننظر شوي وطلع الثاني ويصوبه خويي
المهم يوم جاء العصر قال خوي مشينا اخويانا يحترونا عند الماء رحنا لهم
لقناهم صايدين وبرين ابوي وخويه اخذ ابوي البندق اللي معي نوع بارنو جثري وعطاني
بندقه سفن ملي ماقنم وراح لهن انا وخوي رحنا السيارهـ ماوصلناها إلا المغرب
طبعا هذا المكان اللي تواعدنا فيه بس ياحلو الماء إذا كنت ضميان
مايفرق عندك لو كان لونه اخضر تحس بحلاته وخاصه يصير بارد
وانا عند الماء شفت لي بعد كتابات وصورتها لكم
وهذي هي بعد ماقربتها لكم
وهنا ثبت الجوال وصورت انا نفسي
طبعا الثوب والسروال والغترهـ لازم تكون نفس التربه البريه او يعني نفس لون الضلعان
عشان ماتكون واضح تنشاف على طول
وهنا
بعد مامشيت الجوال يوطوط مافيه بطاريه وانا اشغله واصور
بس اعجبني المنظر قلت لازم اصور هنا
بس انا يالربع ليش ما ادري اول ما اطلع للبر تقلب البشرهـ عندي اليدين والوجه والرجلين
من الشمس تسمر ابوي لا مايتغير بس انا
بعد ماوصلنا السيارهـ بعد المغرب انتظرنا لين ابوي وخويه جوا بعد ماظلم الليل
قال الرجال مشينا للمزرعه امشيكم عليها هي على طريقكم وبكرهـ ماتشوفون شر
من عندكم لرياض المهم رحنا لها ونمنا فيها واصبحنا قنصنا مالقينا شي
بس كانت تنشيه فله بنرجع ثاني مرهـ ان شاء الله إذا ابو ماراح
لباكستان
وهذي صورهـ لهن في الصحن
لحد يقولي وش الوبر معرفه
والله وبرانن كبار لكن في الصورهـ كأنها صغيرهـ ولا هي عويد
تشوفونها متلويه هذي من الثلاجه مشغلين الثلاجه عليها وقدر الله عليها وصارت كذا
لا احد يقول اعزمني الليله عندنا عشا وحطيناها مع العشا
طبعا رجعنا البارح الساعه 1 في الليل ماشين 1 الظهر
ومع التحيه عقبال ما اوريكم رحله ثانيه
فيه موضوع ثاني بنزله بعد عن الوبران قبل الصور هذي
تحيتي
حيران
مواقع النشر (المفضلة)