لاجيتني عن جملة الناس ابديك
ولو كان بيدي جيت لاحد بابك
احترت ما دري كيف اداريك وارضيك
مادري نسيت الحب والا غدابك
اعرف ترى لو مات قلبي باقاضيك
ارحم قليب جاك يطلب جنابك
ان كان تغليني ترى القلب مغليك
عجل وعطني يا حبيبي جوابك
؟؟؟؟؟:::::؟؟؟؟؟؟
الله عليك اشلون احبك واغليك
من جد والله ما تحمل غيابك
جيتك وانا يا سيدي ميت فيك
ويا سعد حظي كان حاول وجابك
يا روح روحي بطلب الله يحميك
ويجعلك تتسنى بباقي شبابك
قلبي وروحي ياهوا البال تفديك
اقول خذها مرحبا يا هلا بك
؟؟؟؟؟:::::؟؟؟؟؟؟
أنا على حطت يداك مجنونك
هذي هي آهاتي وذيك أشعاري
أشعاري اللي نصفها بعيونك
والنصف الآخر في جفاك وناري
إلا على طاري الجفا وشلونك
ما عد تهمك يالقطوع أخباري
نسيت ناس ما رضوا ينسوك
ولا لهم غير الملاقا طاري
؟؟؟؟؟:::::؟؟؟؟؟؟
لو كان قصدي أجرحك ما جيت وبقلبي انكسار
أكره حياتي كلها لا شفت أنا أعصابك تثور
العود الأزرق والجمر رحلة عمر طيبٍ ونار
وهذا أنا جمرة غضى وانت معي مثل البخور
؟؟؟؟؟:::::؟؟؟؟؟؟
انا لا يمكن اتعالي عليك وانت بي داري
وعذري برّر الموقف لاني كنت مجبور
برب الكون احلف لك وربي عالم اسراري
ومثلك يغفر الزله وتبقى الحال مستور
انا ما جيتك اتعذّر واقطع معك مشواري
انا جيت ابني بحبك في دنيا العشق معمور
؟؟؟؟؟:::::؟؟؟؟؟؟
يا غاليه جيتك من الشوق ولهان
ما اطيق اشوفك يا حياتي حزينه
من يعترف مسموح لو كان غلطان
وشلون لا صرتي تساوين عينه
لو نختلف نبقى حبايب وخلان
انا رهين الشوق وانتي رهينه
المنتصر في كل الأحوال خسران
مهما يكون الوضع بينك وبينه
؟؟؟؟؟:::::؟؟؟؟؟؟
قلبي تحرق بساتينه
يشرب من الضيم شلالي
الهم والغم كاوينه
من بعد ما كان يزها لي
ذاق المعاناة بسنينه
معذور لو زاد بهبالي
؟؟؟؟؟:::::؟؟؟؟؟؟
جيتك وكلي شوق ودٍ وولفا
ودي معك جوى من الهم يصفى
وأبديلك اللي داخل القلب يخفا
ونعوض الماضي وننسى ونعفى
حتى يطيب القلب والجرح يشفا
حلفت أنا ما نساك ووفيت حلفي
وأبحرت يمك وأنت ميناء ومرفا
؟؟؟؟؟:::::؟؟؟؟؟؟
مواقع النشر (المفضلة)