زفونـي لغيــــره و أنـا أقــول لله
و دمْوع عيني فوق خـدّي سكايـب
ما فّرح اعْيونـه و لا أكـون خِلـــــه
و لا اضْحك بوجهه و لو كان شايب
غدر ٍ خذوني و السحا كـان علـــه
وبي من صروف الوقت هم ومصايب
وش حيلتي لا صـار قلبـي محلـــــه
وقلبـه ينـادي خافـق فيـه ذايـــــب
خـل ٍ هويتـه كنـت ورده و فلـــــه
و كل الغلا عنـده و كـل الحبايــب
و الله مهما صـار و الله مـا ذلـــــه
قلب ٍ عشق له عاسفيـن الركايـب
جاني يبي وصْلي و كل ٍوقـف لـه
قالوا حبيبك يا لغْضي بـه طلايـب
زفوني لغيـره و أنـا كنـت خلـــه
و كل الأهل عنده و كـل القرايـب
مريـت داره عقـب سبعـة أهلّـــــه
عقب الزمن ما قال يكفـي مصايـب
ياناس خلـي بدنيتـه وش حصلـــــه
قالوا : حبيبك راح بعـدك هبايـــب
قلت :اسْكتوا يكفـي بقلبـي محلـه
و أحس بأنفْاسه و لو كـان غايـب
صدفه و أنا واقــف علـى راس تلـه
ودموع عيني فـوق خـدي سكايـب
لمحْت لي قبر ٍ حشـا القلـب تلـــــه
مكتوب اسمه في جبيـن النصايـب
ياقلب دمع العيـن لـو سـال كلـــــه
مايرد لك شخـص كستـــــه الترايـب
عسى إلهـي يحْفظـه تحـت ظلــــــه
و تمْطر على قبره مزون السحايـب
منقـــــــــــوله..
أبعـــــــــــــــــاد
مواقع النشر (المفضلة)