الفصل 12


جده
سميره تحس كل دقيقه انها سوت جميله بأنين والنار تشتعل بقلبها من سعادتها باللذات شافتها تقيس فستان العرس بعد التضييق وكانت طايره من الفرح هي وخلود اللي كانت تسمي عليها وطايره بها ..
واول ماسمعت ان خميس فتح باب الشارع وداخل قامت صرخت: حرام عليكِ ياخلود ليه تخربي فرحتي بأخويا انا اخترت لو انين لأني احُبها ليه تقولي كدا!!!
"فتحوا انين وخلود عيونهم ومو فاهمين وش السالفه "
ودخل لهم خميس:ايش بك ليه صوتك عالي ياسميره ايش صار!!
سميره وهي تتظاهر البكى: خلود تُسبني وتدعي علي تحسب اني مزوجه انين لأخويا عشان يُضرها ,حرام عليك ياخلود حرام
خلود كالعاده الخوف على طول يلبسها وترتبك ولا تقدر تدافع عن نفسها
انين:بالعكس خلود ماقالت ولا حاجه
سميره وهي طالعه للصاله:الله يسامحك يامرة اخويا لكن من يشهد للعروسه
خميس وهو يناظر لخلود بحقد :يعني ياوجه الغراب لازم تعملي مشاكل ماتقدري تعيشي زي الاوادم لازم تقرفي العالم
انين وترد بدل اختها :وربي خلود ماسووت ولا حاجه
خميس:انتوا ليه تكرهوها ,ليش قلوبكم سودا,تراها تحُبكم وما تجيب سيرتكم بباطل
خلود ودموعها بعينها :وربي ماسوويت حاجه ولاقلت شي
خميس بعصبيه: يعني حتتبلى عليك مثلا!!!
خلود نزلت راسها :....
خميس وبصوت عالي: اسمعي دحين روحي على بيت اختك واقعدي عندها وبعد الزواج على الماطار وانقلعي على بيتك فاهمه
خلود: حاضر
"حست انين بالقهر ودعت كالعاده بسرها على سميره ودرت انها سووت هالمشكله لأنها شايفتها سعيده,وقدرت تمحي هالسعاده بلحظه.
:::::::::::::::
بعد ماساعدت فاتن بدر على اختيار الهديه المناسبه لداليا طلبت منه يوديها على بيتها ,, لكن اصر يعشيها وبعد ماتعشوا وصلها للبيت
كانت فاتن ساكته طول الطريق ,تفكر بكلام محمد ومقهوره منه لانه يبي الانفصال السريع وبطريقه فظه,وكانت تفكر وش ممكن تسوي ,وايش راح ترد عليه بطريقه ماتجرح كرامتها ,وتجرحه هو.
وقبل لاتنزل فاتن بيتها مسك يدها بدر وقال::فتونه ماراح تقولين لي وش فيك ؟؟
فاتن:قلت لك بدور مافيه شي,يله ان شاء الله هديتنا تعجب دالي
بدر:لا اكيد بتعجبها دامك انتي اللي مختارتها
فاتن:خلاص اكيد بكره رايحين تخطبون رسمي؟
بدر:ايه ان شاء الله وبعد بشوفها
فاتن:بالتوفيق ان شاء الله
بدر:الله يسمع منك
فاتن: يله سلام
بدر وهو مو عاجبه حالة فاتن: مع السلامه
::::::::::::::::
اما ببيت اصاله وصل محمد قبل جيت فاتن بعشر دقائق طلع يجري على الغرفه وارتاح يوم شاف الورقه مكانها وان فاتن ماشافتها اخذ الورقه اللي كتبها وعفطها بيده على دخلت فاتن
ويوم شافته رفعت راسها وقالت بثقه:سلام
محمد:وعليك السلام
فاتن:تكفه لاتفتح لي موال اني متأخره وماادري ايش ترى بدر اصر وحلفني يعشيني
ابتسم محمد:لا عادي
فاتن وهي تفسخ عباتها :اوخص عادي اجل طيب حلو لأن راسي يوجعني ولا ودي بمشكله
محمد:هههههه ماراح تصير مشكله ,لأني ابي اكلمك بموضوع مهم ويخص حياتنا
فاتن بلا مبالاة:ودي نأجله لبكره
محمد:لا ماينفع
بعد ما علقت فاتن عباتها وهي تحس بقهر منه :تكلم اجل
محمد:اول شي ابيك تسمعيني ولا تقاطعيني ممكن
فاتن وهي تجمع قوتها ربعت يدينها ووقفت تسمعه :اها اوكي قول
محمد:طيب اقعدي
قعدت فاتن : قول
محمد:شوفي انا ماادري من وين ابدا والمشكله اني ماقدرت ارتب كلامي قبل لا اقوله
فاتن:ههه لاتنحرج,اذا على موضوع انفصالنا مايحتاج ترتب كلامك ولا شي ,انا مهيئه نفسي من قبل زواجنا انه كلها شهوروينتهي كل شي
محمد بعد ماناظر لوجهها وشاف جديتها : انتي وش قاعده تقولين!!
معقول ماحسيتي بااللي احس به!! ماتعلقتي بعلاقتنا ولو شوي !!
وجت فاتن تقاطعه قال: اسمعيني للنهايه,انا ادري اني غلطت من البدايه وكنت اناني لدرجه كبيره ,لكن مادريت اني تسرعت وقلت اللي مفروض ماينقال الا يوم عشت معك,,
فاتن انا مااقدر اتخيل حياتي من دونك,ولا اقدر اتخيل ان ممكن أي انسانه تاخذ مكانك سواء كان بقلبي او بحياتي
فاتن تسمع ومذهوله من اللي يقوله وقالت :كفايه محمد وش قاعد تقول!!
محمد:ارجوك خليني اخلص كلامي,انا ادري انك ماراح تسامحيني بسهوله,وادري اني غلطت لكن اوعدك اني بصلح اخطائي وبعتذر عنه طول العمر..
""قرب لها ومسك يدها وقال بهدوء"
فتون..
والله اني احبك
"وانتظر محمد ردة فعلها لأنها كانت تناضر عيونه وكأنها تبي تصدق اللي يقوله او حتى تشوف ان كان صادق بكلامه وقالت:انا متعجبه من قوتك
محمد:صدقيـــ..
فاتن:خلني اكمل كلامي ولاتقاطعني مثل ماخليتك تتكلم..
انا ماادري كيف جا في بالك اني اللعبه السهله بيدينك!!!
محمد: فاتن خلني اوضح لك
فاتن وهي تسحب يدها من يده وتحاول تهدى عشان تقدر تتكلم :
محمد انت ممكن تكون زوج ناجح,وممكن تكون فعلا تحبني مثل ماتقول ,,لكن كل هذا مايهم,حنا اتفقنا من البدايه وانا رضيت اكون السلعه اللي مو لك,واللحين انا ماراح اكون لك,صدقني انا ما اكن لك مشاعر سيئه بالعكس انا اتمنى لك زوجه تسعدك وتتوفق معها
محمد وهو يقاطعها:انا ابيك انتي وبس
فاتن وهي تبتسم سخريه منه: انت تبيني!! لكن انا ما ابيك....
انا ابي لنفسي الزوج اللي يقدرني ويحترمني يخاف علي يحميني واهم شي.. اهم شي يامحمد انه يستحقني,تكفه لا تصر على انانيتك وخلنا ننهي موضوعنا بأقرب وقت
محمد:صدقيني انتي تطلبين المستحيل
فاتن:المستحيل اني اقبل فيك كزوج اللحين
رفع صوته وهو يقول: مافي شي مستحيل هو قرار لو اخذتيه ينحل كل شي
فاتن:وانا ماابيك تكون بحياتي خلينا ننفصل وخلنا ننهي هالمهزله
بعد ماناضر لها فتره طلع ودف الطاوله اللي كانت بطريقه وانكسرت
اما فاتن وقتها حاولت تستوعب كل اللي كان يقوله وكيف ممكن بلحضه يغير رائيه ويلعب بمشاعرها واحساسها,مامداها تقعد الا وتشوف الورقه اللي رماها محمد وهو يزعق خذتها وضنت انها رساله عن تخلي حبيبته عنه وعشان كذا طلبها كبديله لكن ماحبت تفتحها وتنصدم منه اكثر ,حطتها على التسريحه,على دخلت ..
اصاله:وش فيه وش الصوت اللي قبل...يوه وش هالقزاز
فاتن وتحاول تتمالك اعصابها :اا محمد طيح الطاوله
اصاله:ووينه هو
فاتن:ماادري شكله راح
اصاله:فاتن وش السالفه
فاتن:...
اصاله:اكيد كلمك محمد
فاتن بإستغراب:على ايش
اصاله:عن علاقتكم
فاتن:انتي تدرين!!!
اصاله:كلمني قبل كم يوم,وصدقيني انا للحين زعلانه منه ولا سامحته على اللي سواه فيك
فاتن: مو مهم اصلا انا طلبته يطلقني
اصاله:ايش!!
اسمعي يابنتي انا ادري ان اللي سواه محمد عيب ولا احد يرضى به ولكن لكل مشكله مهما كانت كبيره حل
فاتن:اصول انا موافقتي على تفاهة ولدك كانت لأني احبك واحترمك وكان ودي تسوين العمليه باي شكل,لكن اللحين انتهى كل شي ولا راح ارضى على نفسي الإهانه اكثر من كذا
"وخلتها وراحت تحضر شنطتها,درت اصاله ان هالوقت مو مناسب تناقشها اكثر طلعت من الغرفه وهي تدعي لهم بالخفى.
:::::::::::::::::::

صباح جده
مكالمه من جارة خلود

نسرين:صباح الخير
خلود:اهلين حبيبتي وربي مشتاقة لشوفتك,ودوبني كنت بسيرتك
نسرين:تأبريني حياتي ..كيف جده معك؟
خلود:تجنن جده اصلا مافي زيها
نسرين:شوئتيني اجي زورا
خلود:ههه يله تعالي والله حمشيك اللين تشبعي
نسرين:ههه لا مو هلا,شو بدي الك مبروك جوزك خلص ماصار بيزعجنا بمشيتوا بالعكازي
خلود:ههههه من جد؟؟
نسرين:والله خلص امبين ماصار يستخدما
خلود:اجل اكيد خف ضهروا
نسرين:اي ممكن ومتى راح ترجعي,خلاص تعي
خلود: بس احضر زواج اختي بكرا راجعه للهنى,على ايش مستعجله يانسرين؟؟
نسرين:هههههههه ,الله يعينك تأبريني
خلود:قولي لي ايش تبغي هديتك؟
نسرين:مابدي غير سلامتك حياتي
خلود:ربي يسلمك خلاص اجل انا اختار لك على ذوقي
نسرين:ماتقصري حياتي يله حبيت بس اتطمن عليكي
خلود:تسلمي حبيبتي
نسرين:باي
خلود:باي
::::::::::::::::::::::

قامت فاتن من النوم على رنة جوالها ,شافت ان الساعه 10 الصبح ,خذت جوالها تبي تشوف من يدق ولقتها فوزيه عرفت انها بتسئلها ليه ماحضرت للكليه ؟وليه صوتها متغير؟؟وليه مادقت عليها؟؟؟؟
كثرة اسئله هي في غنى عنها رجّعت الجوال مكانه وقامت تشوف حولها مالقت محمد ومبين انه مارجع الغرفه بالليل ,نزلت تحت ولا لقته سوت لها نسكافي وقعدت تفكر بكل احداث امس..احتارت اكثر فطلعت غرفتها وقفلت الباب بالمفتاح وشافت الورقه اللي على التسريحه,حبت تقراها عشان تقدر تاخذ قرارها من غير ماتندم ,ولقت اللي مكتوب..
(اه ماادري يوم انهي هالورقه بقطعها وله بخليها تقرينها ,قاعد اكتب واحس اني محرج وانا اطلبك تنسين الماض وتبدين معي حياه جديده...
يوم كنا بماليزيا كان يقول لي قلبي اشياء انا ماكنت فاهمها ويوم تكونين جنبي كنت احس بشعور واحسب انه مجرد ارتياح لك او اعجاب بك .. ويوم كنت اسمع لقلبي يدق كنت اقول عادي بنت حلوه وجنبي اكيد بيدق كنت انكر حقيقة اني احبك..
كنت اضن اول اني احب,لكن صدقيني ماذقت بذيك العلاقه ولا ذرة احساس من اللي احسه وانا معك..وعرفت اني متوهم الحب.
فتون انتي مااستئذنتي يوم سكنتي قلبي لكن انا بستأذنك تعطيني فرصه المس قلبك, ادري اني جرحتك وادري اني غلطت غلطه كبيره وقايل لك انا منحرج وانا اطلبك تنسين وتسامحين..
لكن اطلبك بحق الصداقه والايام الحلوه اللي قضيناها ان تعطيني فرصه
وتعطي لحياتنا الزوجيه مجال,انا مااقدر اجبرك تعيشين معي..لكن انا اطلبك انك ماتخيبين ضني وتكونين كريمه معي وتعطيني هالفرصه..)
دمعت فاتن وحست انها بدوامه ولا تدري كيف تتصرف,قرت الورقه مره ثانيه ,وثالثه .. وناضرت للشنطه اللي جهزتها امس..
حست ان هالحروف اضعفتها..
حست انه في حب بكلامه..حست بصدق في مشاعره,,
تلخبطت ولا عرفت ان كان تبقى او ترجع لبيت اهلها ,,
فكرت هي ليه ماطلعت بالليل لبيت اهلها !!!
ممكن لانها ماتبي تفجعهم بالليل
وممكن انها تبي تعطيه فرصه
وممكن انها ماتبي تستعجل بقرارها ..
راحت مسكت جوالها وكالعاده دقت على صديقاتها المقربات تستشيرهم وتاخذ برائيهم اللي تثق فيه.
فدقت على داليا اللي كانت جنبها سمر ,حكت لهم وكانوا يسمعون لأنفاسها السريعه لحروفها المتلخبطه لضعفها اللي ماتعودوا عليه
داليا بحنان:فتون انا لو مكانك مااحتار..
سمر:يامجنونه من هالايام تلاقي الحب وتقوله لأ
فاتن:صعب يابنات افهموني, ماراح اقدر انسى
داليا:هو اكيد بيتفهم هالشي ابدوا من البدايه وصدقيني كل الامور ممكن تنحل
سمر:فتون على قولته عطيه فرصه
داليا:صادقه سمور انتي لازم تعطين فرصه بطلي التسرع بتصرفاتك,بالنهايه هذه حياة زوجيه تحتاج الاخذ والعطى
سمربإستغراب:فتون معقول انك ماتعلقتي فيه وتعودتي عليه او بالاصح معقول قلبك مادق وحبيته!!!!
فاتن:ماادري انا تعودت عليه مثل ماتقولين لكن مااتوقع اني حبيته
داليا:خلاص عطي نفسك فرصه اذا حسيتي ان ممكن تعيشين معه وتحبينه وعطاك احترامك واخلاصه عيشي حياتك فتون لاتنهينها
سمر:واذا مافكرتي بنفسك فكري بأهلك ترى مو سهل عليهم انفصالك وباللذات بهذا الوقت المبكر من زواجك
فاتن:يعني قولكم اتمهل
داليا:اكيد فتون ,بطلي قساوة قلب
سمروتبي تخفف الجو:هه لالا مااتخيل فاتن تحب وتتصرف كانثى خخخ
فاتن:...
داليا:هههههههههههه
فاتن:تدرون عاد والله مو سهل علي
داليا:مافيه شي صعب عليك ياصقيقتي العربجيه ,صدقيني بتقدرين تعلميه الادب وتبردين قلبك فيه
فاتن وهي تستمد قوتها من كلامهم :ياويل اهله اجل
سمر وداليا: هههههههههههههههههههههههههههههههه
فاتن:اجل اللي سواه قليل والله لأطلعه من عينه
سمر:في وحده عاقل زوجها يكتب لها اللي قريتيه لنا وتقول اوريه نجوم الليل
فاتن:ايه انا ,اجل شايفتني رومانسيه وهبله مثلك !!
داليا: اهم شي لاتفترين فيه فتون ارحميه بشوي شوي ههههههاي
فاتن:....
سمر: أي شوي شوي ممكن يستسلم من الجوله الاولى
فاتن: هههه
"وماغير تسمع فاتن من وراها صوت محمد وهو يقول:ياجعلي فدوة لهالضحكه"
طيب بنات اكلمكم بعدين سلام.
اما عند سمر وداليا
سمر:تؤتؤ شفتي !! وش يضرها لو خلت السماعه ونسمع وش يصير بينهم
داليا:ههههههههه اوما عاد كثري منها...بس بيني وبينك..اتوقع راح يكون الجو بينهم واااو
سمر:يااختي امووت واعرف وش قاعد يصير بينهم
داليا:ههههههه حتى انا هههههههه
سمر:خلنا بس عن اللقافه وقولي لي وش بتلبسين للشوفه؟؟
داليا:اممم وش رائيك بذا؟؟
سمر: مره كيوت ونعوم
داليل: ياقلبي ياسمور ,اليوم مارحتي دوامك عشاني
سمر:ههه صح بس بعد لو تبين الصراحه بديت امل من الشغل
داليا:ههه اما تملين!!
سمر: أي والله,المهم خلك مني ,وقومي استشور لك شعرك
داليا :يعني بتدلعيني
سمر:انا عندي غيرك
:::::::::::::

اما بعد المغرب
جا وقت الشـــــــــــوفه
ضيّف ابو ناصر بدر وابوه وهو يرحب فيهم ووولده ناصر يقهويهم
ابو ناصر: والله ياابو بدر يشرفنا نسبكم
ابو بدر : والله الشرف لنا ياابو ناصر
ابو ناصر: انت رجال وولدك بدر والنعم فيه والله
ابو بدر :الله يسلمك
ابو ناصر:الا ماقلت لي وش صار على البظاعه اللي طالبها من الهند
ابو بدر :لا الحمد لله ابشرك ,جابها زهير من يومين, بس تعرف الى ان نوزعها على المحلات والتجار تاخذ وقت
ابو ناصر:وعسى شملك التثمين اللي صاير هالايام
ابو بدر :تقصد بيتنا الاول اللي بالعود؟
ابو ناصر:ايه مو عندك بيت هناك؟؟
ابو بدر :ايه انا مأجره من سنين,واللحين دخل التثمين ,وعساه يجيب
ابو ناصر:لا يجيب ان شاء الله يجيب يارجال
ابو بدر :نقول ان شاء الله,شفت وش اللي صاير بالاخبار هذه الايام؟؟
ابو ناصر:اسكت وانا اخوك اللي صاير لايرضي الله ولا رسوله
ابو بدر :أي والله ,شفت وش صاربالــ..
"وسواليف ماتنتهي بين ابو بدر وابو ناصر ,اما ناصر ابو 15 سنه ماسك ذا البلاك ويلعب ..ومخليين اللي قاعد على نار وكاره سواليفهم كلـــها وده يقفل فم ابو ناصر ويقوله اخلص جب بنتك ,ويناظر بأبوه على باله بينتبه له او يعطيه وجه لكن مافيه امل من سالفه لسالفه ومن موضوع لموضوع لين مل وانتهى صبر بدر فقال وهو طفشااان منهم : اقول ياعم
ابو ناصر:سم
بدر:الله يجزاك خير يعني اا
ابو بدر:ههه اكيد يبي يشوف العروس,شباب هالايام ماعندهم صبر
ابو ناصر:هههه أي والله صدقت ياابو بدر,انا عندي هالولدين واحد 15 والثاني 16 سنه ,وتعال شف لابغوا شي
ابو بدر: والله يااخوي هالايام كلها استغفر الله ,صايرين بعصر السرعه
"اما بدر حس انه فتح لهم موضوع جديد وكأنهم مقصرين ,, ووده يقوم ويدخل لعندها يشوفها ويخليهم يكملون هالسوالف ,ويوم بانت الضيقه بوجهه "
ابو ناصر:هههه يله يابدر تعال ياابوي ادخل المجلس وانا بدخل اجيب البنت
فز بدر وشقت الإبتسامه وجهه:يله تفضل
ابو ناصر:ههههه الله يكتب اللي فيه الخير
::::::::::::::

فوزيهقابلت اريج واماني
اريج:اماني سلامات وين الواحد ماصار يشوفك
اماني تحاول تتذكر :ليه ماقلت لكم؟
فوزيه: انا ادري ياقلبي
اريج:جد وايش صار؟؟
فوزيه:انخطبتي امون صح؟؟
اماني:بسم الله الرحمن الرحيم,يلعن ابليسس وشلون عرفتي دام اني ماقلت لأحد؟؟
اريج:هيا كنش نسيتي انها الجزيره
اماني:هههههههههههههههههه
اريج:على البركه قلبي
فوزيه: ومتى بتملكون ان شاء الله؟
اريج:تؤتؤ معقوله ماتعرفي؟؟
فوزيه: انتي يالحضرميه بتسكتين وله لأ
اريج: ليه ياقلبي وش فيهم الحضارم!!!
اماني: والله والنعم فيهم والسبعة انعم بعد
اريج:مالت
فوزيه: هههههههههههههههه يمه وشفيكم اكلتوني
اريج: انتي اللي تتريقي كيف تبغينا نرد عليك؟؟
فوزيه: عشان قلت لك ياحضرميه معناها تريقة عليك,يعني انتي لو قلتي لي يالسعوديه معناها انتي تتريقين علي؟؟
اريج:انتي ماقلتيها بنيه عاديه ,قلتيها وكانك تحسبين انو تتقللين بقيمتي
اماني: اقول يالتافهه انتي وياها استحوا على وجيهكم ,قلبتوها غم
وهواش ,وينس يافتون ودالي وسمر اصرف من وجيهكم قسم
اريج: يعني ماتسمعين هالخامه
فوزيه: ايه يله اغلطي
اماني: وبعدين
فوزيه وتسفه اريج:اماني ماقلت لك فاتك امس جات صحافيه للكليه عندنا
اماني: صحافيه بالكليه وش تسوي؟؟
فوزيه: عندها بحث عن بنات الكليه وجايه تسئل وتاخذ معلومات
اريج: اكيد ماراح تجي مره ثانيه لانها بدل ماتسئل انتي اللي هريتها اسئله لين طقت
فوزيه: شوفي انا ساكته ومااابي ارد من اول فلا تخليني اغلط عليك
""فطست اماني ضحك على اشكالهم"
فوزيه: وجع وش يضحك
اماني: بصراحه فووز انتي ملقوفه جد واسئلتك واجده
فوزيه: الشرهه علي اني اخاويك
اماني: لا والله ماتقومين افا عليك يااختي خذي واعطي وش فيس زعوله
::::::::::::::::

يهز برجله من طول الانتظار ..انتظر وانتظر ..قام يتخيل ويتذكر شكلها اول ماشافها وسلبت تفكيره , قام يفكر ان في شي اسمه حب من اول نظره ,كان يحس قلبه ينبض حابب الحياه ,وماقطع تفكيره غير صوت كعبها اللي يقرب ويقرب وكل ماقرب دقات قلبه تزيد ... لين شاف زولها
بسيطه
ساحره
حلوه
مفعمه بالانوثه
ابتسامتها خلته يحس انه بحلم ..
ظبط قعدته وزادت بسمته وقال بهيام متجاهل ابوها :هلا والله وغلا ومرحبا
ابتسمت داليا وقالت :السلام عليكم
بدر :وعليك السلام والرحمه والسعاده
داليا قامت تناظر بالارض :...
بدر:كيف الحال عساك بخير يا "وتدارك وجود ابوها وسكت "
داليا: تمام
ابوها:ها ياداليا شفتي الرجال مو بعدين تقولين يبه ماشفته
ابتسم بدر على لون الإحمرار اللي بدا يكسو وجهها
داليا وتبي تسكت ابوها قبل لايزيد باحراجها :ايه
اما بدر اللي كان عارف عنها كل شي كان يبي يتكلم معها ويسمع صوتها باي طريقه فقال يستهبل : كيفك مع الدراسه خلصتيها ان شاء الله
داليا وهي تدري انه يستهبل:الى الثانوي ووقفت
بدر وهو حاب الوضع:وليه ماكملتي جامعه؟
هنا رد ابوها على باله يفزع لبنته: الله يهديهم صديقاتها سحبوها معهم للعب ولا جابوا نسبه
بدر :اها مثل اختي,يله صار خير
داليا وتبي بدر ينجن ابتسمت له وقالت:يله عن اذنكم
وطلعت وبدر مقهور منها وعيونه مافارقت مكان خروجها لين اختفت من عينه
ابو داليا: ان شاء الله ارتحت لها
بدراه ياقلبي:ياعم حنا شارينكم ان شاء الله,ومانبي غير رضاكم ,انا لو علي اعرست عليها بكره
ابو داليا:ههههه جد ماعندكم وقت ياهالشباب, يله الله يكتب اللي فيه الخير
بدر:ان شاء الله,بس ياعم متى تحب نملك ؟
ابو داليا:وش فيك مستعجل الله يصلحك توني بشير البنت واذا وافقت حددنا الملكه دامك جاهز
بدر:إي والله انا جاهز اذ تبون المهر بكره جبته والشقه امرها بسيط ان شاء الله
ابو داليا: ان شاء الله خير
بدر:بإذن الله
:::::::::::::

طبعا على طول طلعت داليا على جوالها ودقت على فاتن,وتدق وتدق لين سمعت لنغمتها عند الباب
فاتن وتحاول تخفي حزنها:مرحبا
داليا نطت من الفرحه وراحت ضمت فاتن
سمر:ام المفاجئات
داليا وتظم سمر بعد :فديت وجودكم جنبي
فاتن:الله يتمم لك على خير ,ماقدرت مااكون هنا
داليا:فديت قلبك
سمر:يله احكي لنا وش صار
"وحكت لهم داليا ولكن ازعاج رنة فاتن ,ماخلتها تركز مع داليا وكانت فاتن متشتته ماتدري ترد على محمد او لا ,بالنهايه قررت ماترد ,وارسلت له
(بليز لاتدق انا ببيت داليا ومشغوله معها ,وترى اليوم بتعشى عند اهلي)
ثواني وارسل لها (براحتك اهم شي لافظيتي كلميني)
داليا:فتون انتي معنا
فاتن وتحاول ماتخرب فرحة داليا:ايه اكيد ها قولي لي وش رائيك بأخوي؟؟
داليا بجرائتها: وه يجنن يلعن شكله ,والله خقيت على سماره
سمر:ههههههههه الله يرجك لا يكون بينتي هالشي
داليا: لا وش دعوه مسويه اني خجوله عنده,بس عاد فتون لاتسويين فيني حركة نذاله وتقولين له
فاتن: افا عليك انا احرجك انا؟؟
داليا: وه يابنات والله اني مستانسه
فاتن: جعله دووم يارب
سمر: طيب وش تحسين اللحين
" كانت داليا تتكلم لكن فاتن ماكانت معها سرحت بوضعها مع محمد وتمنت انها عاشت هاللحظات اللي تحكي لها عنها داليا ,تنهدت واستأذنت منهم بحجه ان بدر ينتظرها لين تسلم وتطلع لانها بترجع معهم
:::::::::::::::::::::::

بيت اصاله
بعد مارجع محمد من مشواره,شاف امه بالصاله حب راسها وجلس جنبها سرحاان
اصاله: اللي ماخذ عقلك
محمد:يمه
اصاله: سم
محمد:معقول فاتن ماتبيني
اصاله:تبي الصراحه انت الله يهديك مسوي شي مايتسوى,وله فيه احد عاقل يقول لوحده تزوجيني بس تراني احب غيرك!!!
محمد:يمه الموضوع ماصار بهالشكل
اصاله: المهم هذا المقصود ,وانت اللحين لازم تصبر ولاتتعجل
محمد:الى متى يمه زوجتي وقدامي ,لكن ماتبيني اجيها ,انتي ماشفتي وش سووت االيوم الصبح
اصاله : وش سوت؟؟
محمد وهو مكشر : كنت ابي اتفاهم معها لكن مابقى شي الا وكسرته بالغرفه
اصاله:ههههههه فاتن؟
محمد:ايه مجنونه هذه ,هذا بس وانا مقرب جنبها وشلون لاسوييت شي,لاخلتنا نتفاهم او نتكلم او حتى نناقش الموضوع
اصاله: ههههههههههههههههههههه,الله يصلحك يامحمد
محمد:يمه بالله كلميها ترى مايصير اللي تسويه
اصاله:لا والله انا مالي وجه اتكلم اللحين خلها على الاقل اللين تهدى الامور شوي
محمد:وش هالرقم اللي غاثني من امس
اصاله: طيب رد وشف من,اكيد احد يبيك وله ماراح يدق من امس لليوم
محمد:والله ماودي اكلم احد,لكن ابي انفك منه ..الو
....: حبيبي اشتقت لك
ارتبك محمد لأنه عرف هالصوت وطلع من عند امه: الو
....: إشتقت لك فوق ماتتصور
محمد:كاترين!!
"طبعا كاترين كانت تتكلك بالانجليزيه ولكن لتسهيل الطرح كتبت كلامها عادي"
كاترين:ايه كاترين اللي قطعتها وخليتها تنجن عليك
محمد:انا قايل لك إن اللي بيننا انتهى
كاترين:بس مااقدر اقطع علاقتي بك
محمد:شوفي انتي لازم تعيشين حياتك انا خلاص عشت مع انسانه حبيتها وعايش سعيد
كاترين:...
محمد:اعتذر لكن لازم تنسيني
كاترين:اوكي راح احترم اخلاصك وحبك لها بس ,على الاقل اعتبرني صديقه,لاتقاطعني
محمد:صعب ياكاترين صعب
كاترين:لا محمد مافي شي صعب عليك ,انا الاصعب عشته وكان علي كله, ارجوك لاتقاطعني..انا اوعدك اني مااجيب لك طاري حب او أي شي بيضايقك بس اهم شي خليني اسمع صوتك اسئل عليك وتسئل عني
محمد:ماادري وش اقول لك صراحه
كاترين:قول انك تقبل صداقتي ارجوك
محمد:هالشي صدقيني بيسبب لي مشاكل
كاترين:صدقني ماراح اكون عائق بحياتك,وحتى ماراح ادق عليك ,لكن لاتقطعني ودق علي وخلني اعرف اخبارك وانك بخير وبس,هالشي راح يكفيني
محمد:مثل ماتحبين بس ارجوك انتي لاتدقين
كاترين:ابد ما راح ادق
محمد:طيب كاترين انا لازم اقفل احس بصداع وابي اشرب دواء
كاترين:ماتشوف شر حبيــــ,اسمح لي راح اخذ وقت اللين استبدل هالكلمه
محمد:اسف على اللي سويته فيك
كاترين: صدقني ذكرى الايام اللي قضيناها مع بعض ماتخليني اتأسف على أي شي كان بيننا
محمد:اوكي اكلمك بوقت ثاني سلام
كاترين:بإنتظارك باي.
""وكأن كاترين بهل اتصال اشعلت حاجة محمد للحب الحقيقي المتبادل ,لاحتياجه بسماع كلمه حلوه,نضره حب,حضن مايحمل معه الا الدفى ,اخذ تلفونه ودق على فاتن وكالعاده ماردت عليه ,حس بالضيق اكثر وطلع الشارع مره ثانيه يحط حرته بسواقته المجنونه .
::::::::::::::

بيت اهل فاتن
امها:ها فتون ماقلتي لي متى ناويه تفرحينا ونشوف اولادك
فاتن اختبصت وحاولت ماتبين : احم ... اا يوه يمه بدري
امها:يابنتي العمر يجري ومافي احلى من ان الوحده تجيب لها اولاد يكبرون معها
فاتن:لا يمه وين توني حتى ماخلصت الكليه
إلا بدخلت بدر وكأنه منقذها من هالموضوع مع امها: فتون يااختي وبعدين معك
فاتن:سلامات خير ان شاء الله؟؟
بدر:متى بتقولين لي وش رائيي الحلوه فيني
فاتن وهي تقلد دلع داليا : قالت وع وع وع وش ذا الاسمر الشــــين ياربـــي
بدر ويناظرها بحقد: لاتستهبلين ها
فاتن:هع انت يااخوي مافي مثلك بالدنيا كلها وخلاص يابدوري كلها فتره وتنسانا
بدر:هههه لا افا عليك انتي الأخت والام والحبيبه الاولى والصديقه والصديق بعد
فاتن:اهئ تهئ
بدر:اوما تصيحين كثري منها
فاتن:ههع يعني ماانفع امثل
بدر:والله من جنبها هههههههههههه
الام: خلني بس اقوم اسوي العشاء لابوكم اصرف من القعده معكم
بدر: وانا بقوم اخذ لي دش على السريع واجيك عندي لك سواليف طااايره
فاتن:هههه يله انتضرك لاتتاخر
ورن جوال فاتن وردت:اهلين
داليا: كيف العسل
فاتن: مشتاقه لك لو انك داقه قبل ثواني كان انجن اللي جنبي
داليا:ههههههه ليه انتي للحين ببيت اهلك
فاتن:ايه
داليا :ياقلبي انتي نسينا نسئلك وش صار معك انتي ورجلك ولهيت بفرحتي
سمر اللي معهم على الخط: شكلكم اجل ماتصالحتوا
فاتن:لا
داليا:ياربي يافتون ليه؟؟ توقعتكم تصالحتوا.
فاتن وهي تفكر باللي سوته: أي تصالح اصلا مابقيت تحفه ولا شي قدامي الا كسرته بس للأسف مااعرف اصوب ولا كانت راح تصير اصابات
سمر:هههه اقوول بلا استهبال يله جد وش صار
فاتن:من جد هذا اللي صار
داليا: يااختي انا اشك انك مجنونه
سمر: ههه اقوول سلفيني زوجك شوي ممكن
فاتن:ههه خذيه الله يهنيكم ببعض
داليا:ههه مجنونه وتسوينها ,طيب قولي لنا وش صار
فاتن:اول شي قام يقول لي عن مشاعره وماادري ايش ,وانه يحبني وراح يقدم لي اللي ابيه ,وشوي شوي قام يقرب جنبي
سمر:ايوه؟؟
فاتن: وش ايوه شوي مسك يدي وشوي قرب ويبي يبوسني ,خير ان شاء الله
داليا:هههه وطبعا انتي ماقصرتي
فاتن:ههه افا عليكم مابقى شي الا ورميته عليه
سمر:الله يلعن ابليسك ,عيشي شوية رومانسيه مالت عليك
فاتن :ياسلام ليه يبي الموضوع ينتهي بيوم وليله؟؟
داليا:لا ياقلبو لكن اهدي شوي وخلي الامور تمشي بسجيتها
فاتن:لا مااعرف
سمر:والله انك ترفعين الظغط
فاتن:اه والله اني طفشانه من هالوضع
داليا:طيب الافضل انك تنامين عند اهلك تهدين وتفكرين بتعقل
فاتن:يصير خير
سمر:يله اجل ,ولا تنسين فكري زين
فاتن :اوك
سمر وداليا:باي
"وبعد ماقفلت منهم جا بدر:عسى ماتأخرت عليك
فاتن: كان نمت احسن
بدر:ههه يااختي انتي دايم كذا عفشه
فاتن:ايه وش شايفني الخكريه دالي
بدر:ههه لو سمحتي الا دالي ترى ازعل
فاتن: ياهووووووو مامدانا
ويدخل ابوهم :بدر انا ماقلت لك تقول لأمك تجهز شنطتي
فاتن:اوما على وين؟؟
بدر: مسافر يحضر زواج انين, يبه نسيت ماادري وشلون راح عن بالي
فاتن:هه يبه ولدك فيه اللحين اللي شاغل باله لا تـواخذه
ابوها: والله شغله
فاتن: هههههههههههه الله لايبلانا
فتح بدرعينه يبيها تسكت قدام ابوه :فتون روحي جهزي شنطة ابوي
فاتن: يبه ابي اروح معك عرسها
ابوها: هم ماعزموا احد انا لو ماترجتني انين اني احظر ماكان رحت,بس المرحومه امها قدرها عالي عندي
بدر:خلاص يالنشبه يعني لازم تروحين معه؟؟
فاتن:ايه ابي اروح
قال ابوها وهو يطلع: ياربي البنت اجن من اخوها والله اثنينهم مهابيل
بدر:كف والله ,قال اروح معه قال, قومي جهزي الشنطه وبعطيك 15 ريال لأتعابك
فاتن:يوه ياثقل دمك
قال بدربتكبر: ادري ان هالكلمه من ورا قلبك, وادري انك تموتين علي ولا تقدرين يمر يوم من غير ماتسمعين صوتي
قامت فاتن نطت عليه وتعطيه بوكس على قد قوتها
بدر:لا لا لا شكلك بتنقلبين ولد قريب مــــــــــــــره,الله يعينك يامحمد
فاتن:ههههههههههههههههههههههههههههعع ,يوه نسيت
بدر:وشي
فاتن:لحضه بكلم ابوي
"وراحت لأبوها وطلبت منه يكلم محمد يخليها تنام عندهم عشان تودعه وطبعا محمد انحرج ووافق,وهو وده يخنق فاتن ...

:::::::::::::::::

_ انين وهل ممكن يتم زواجها؟
_ جارح اشتقتوا له وله لا ؟؟ وهل ممكن يكون تغير ؟؟
_ فاتن وهل ممكن تكسر الحواجز ,او ممكن يصير شي ثاني؟؟
_ لو انتم بدل فاتن وقريتوا الرساله وش ممكن يكون ردكم؟؟؟
اسمحوا لي ادخل مخيلتكم واعرف رائيكم وتوقعاتكم وانطباعكم ..

محمد وموضوع جديد راح يبان معه
كيف راح تنمو علاقة بدر بداليا
واحداث مشوقه بالبارت الجاي
كونوا بالقرب
فتو