الجزء 11
لياج ما راحت مع امها الى بيت الزبونه اللي طلبتها علشان عزيمتها و امها ارتاحت علشان ما تعبها معاها و قالت لها اذا تحب تروح دوام الفندق استعذرت لها انها اليوم ما راح تدوام وصتها امها تدير بالها على نفسها و ما تفتح الباب
لبست جينز ازرق يبين رشاقتها مع تيشرت شتوي اكمام طويلة اخضر فاتح فتحة الصدر مثلث واسع و يبين قميص ابيض من الياقة و جزء من الصدر فتحت اول زرارين من القميص
لمت شعرها من الخلف عند رقبتها بربطة حلوة طالعة حلوة مع شعرها و غرتها و خصلات شعرها بجانب الغرة
جسوف جالس جنبها على الكنب
لابس جينز اسود مع تيشرت ماروني بكتابات بيضاء و خالع جاكيته
و لياج مستحية تناظره من قريب
جسوف ( يستكمل كلامهم ) و ببحة واضحة : و عمري 24 سنة
( قال لها عن دراسته و وضعه المادي و شغله )
لياج بحيا : العمر كله
جسوف بهمس : و هالعمر ابيه معاج
لياج رفعت راسها له و هي تناظر عينه و ملامحه و بصوت انثوي : و اهلك
ابتسم جسوف لانه يعرف انها شايلة هم اهله : اهلي الله يسلمج نخليهم لين تشوفينهم
لياج : لا ماابي قولي الحين
جسوف بابتسامة : شايلة هم اهلي بشكل كبير
لياج ناظرت الطاولة : تقدر تقول جذي
جسوف مبتسم : ابوي و امي متوفين
ناظرته لياج بصدمه و بهمس : الله يرحمهم
جسوف : ان شاء الله يرحمهم و يرحم الجميع
لياج و هي تناظره : طيب و بقية اهلك
جسوف : من اهل ابوي ما عندي احد و من اهل امي عندي خالتي اللي انا عايش معاها الحين و هي ام ياسمين و تقريبا مثل امي لانها ربتني و لي ولد خالة ثانية اسمه عماد و غالبا يتواجد معانا
لياج : و الخالة ام ياسمين لها اولاد
جسوف : هي عندها ياسمين و متزوجة و ساكنة بمنطقة غير منطقتنا لكن مو بعيدة و عندها ولد و بنت الولد 6 سنين و البنوته اصغر منه بسنتين
لياج : الله يخليهم لها
( و بتردد ) و هي طيبة
جسوف : هههههه حبوبة و راح تتعرفي عليها
( و بجدية ) و ان شاء الله بعد الزواج ما حبيتي بمثل البيت و لا يهمج نستقر ببيت بروحنا
لياج بطيبة : و نترك الخالة ام ياسمين بروحها
جسوف بنظرة تلمع : على راحتج تعرفي عليهم و بعدها يصير خير
لياج نزلت نظرها لتحت و بنبرة هادئة : و يعرفون ان ابوي عــ ( كانت بتقول عرضني عليك )
جسوف انقهر من كلامها و وقف و بقهر : اذا فكرتي تفهمي حقيقة الموضوع ذيك الساعة كلميني
و تحرك بيمشي
لياج وقفت بسرعة و قالت بنعومة : شفيك ما قلت شي
جسوف بعصبية : انتي عارفة اني ابيج قبل كل شي فلا تذكري هالشي بين كل دقيقة بتحسس و كأنه شي غلط
مشى خطوة لياج بدون شعور تقربت منه
حطت راسها على صدره و مسكت يدينه من المعصم
و بهمس : لا تعصب مني خلاص
جسوف حس بقلبه يتحرك و هي قربه و هو يلاحظ عطرها و نعومة يدها ماسكة يده تحركت مشاعره و احاسيسه
لياج رغم خجلها منه و هي تحس بعطره يحاصرها رفعت راسها و ناظرت عينه بلمعة
لياج بنبرة ناعمة و همس : لا تروح
جسوف بنبرة رجولية : و ما تقولي هالشي لانه مو حقيقة نهائيا و انتي عارفة و لا تتحسسي من شي ما له وجود
لياج و هي تناظره هزت راسها بخفة
جسوف يناظرها بتمعن
تحس قلبها بيطلع من مكانه و بدت ترجف
جسوف ببحة تضرب القلب : احبج
رغم خجلها الدائم منه إلا انها باللحظة ما قدرت تنزل نظرها عنه و ما تدري ليش
و من بين نظراتهم جسوف اقترب و قبل جبينها بأحساس
ضرب قلبها اكثر بقربه هو عرف و لاحظ رجفتها منه و حياها
حست بالهدوء بقربه و بقرب انفاسه اللي على وجهها
تحت شعور قلبها رفعت يدينها لرقبته طوقته بشدة حظنته باحساس جسوف حظنها بأشد طوق خصرها و ظهرها بتملك من شدها له ارتفعت عن الارض تمسكت اكثر فيه و هي تدفن وجهها بين كتفه و رقبته و تشمه و قلبها مليان احساس و شعور اتجاهه
جسوف نزل ربطة شعرها و انفتح بخصلاته و هو يمسح على شعرها و يقبله
.|,’ .|,’ .|,’ .|,’ .|,’ .|,’ .|,’ .|,’
إنمار لبست بنطلون اسود مع تيشرت شتوي بني غامق باكمام طويلة مع رقبة طويلة و كبيرة نوعا ما و شعرها سايح بنعومة
نزلت جلست بالجلسات تذكرت انها تبي تشكر الموظف و تعطيه مبلغ العطر لانها استفسرت عن العطر و عرفت المبلغ
( ما اهتمت ان سعر العطر غالي جدا و ان موظف مثله قرصون يستعمل مثل هالعطر الغالي اضعاف راتبه )
تلفتت ما لقته انتظرت قليل يمكن يمر
لهيب طلع بصينية الطلب شافها جالسة راح قليل جهة الدرج شافها تتلفت ابتسم لما شك انها تدوره علشان سالفة العطر قرر يرسل شخص ثاني بطلبه علشان ما تشوفه الحين
~’,.ـ،/:"‘×؛ّ^\....
و بعد فترة
راسيل جالسة بحيرة و مزاج متعكر و خجلانه بشدة
ناادتها امها ان سرمد برى يبيها ارتجفت و استحت اكثر لبست علشان تتطلع له المجلس فتحت باب غرفتها شافته واقف ينتظرها
نزلت راسها بسرعة
سرمد يناظرها بابتسامه دخل و سكر الباب
سرمد : ما في حتى تفضل
راسيل تقدمت و بصوت هادئ : تفضل
تقدم شوي و اقترب منها توترت داعب خصلة شعرها على جبينها
و بهمس : انتي عارفة ما صار شي غلط و حرام مالجين بشرع الله اللهم باقي الزواج
راسيل ساكته بخجل
سرمد و هو يقبل خدها : لا تستحي مني بلاه كل هالحيا
راسيل تبي تتحرك من قدامه من حياها
سرمد مسكها بسرعة ارتجفت بشدة
سرمد بهمس : عارف تحبيني و تبيني مثل ما احبج و ابيج
راسيل ما قدرت تستحمل اكثر و ما قدرت تخبي مشاعرها و تكتم احساسها
رفعت راسها و ناظرت عينه
بصوت هادئ و واضح : اي احبك و ابيك
سرمد يناظرها بتركيز
راسيل تتمعن فيه و قلبها يتحرك و بهمس : احبك فوق ما تتصور لا تتركني
ما قدر يتحمل ما يلامس الكلمة اللي يحلم فيها و يعشقها منها فنزل راسه لها و التقوا بهدوء
ثواني و ابتعد شدها له و هو يحظنها تمت مستمتعة بدفا حظنه
:.,’,.:.,’ :.,’,.:.,’ :.,’,.:.,’ :.,’,.:.,’
لياج نزلت يدها عن كتفه و هي تنزل راسها بحيا
جسوف بهمس و بحة : ابيج ترتاحي معاي و تتصرفي بطبيعية لا تشدي اعصابج اللي تبيه تقوليه و اللي تحبيه يصير
لياج مستحية منه و وترتها بحة صوته
جسوف للحين ماسكنها بهمس يوتر : ابيج بحظني على طول
لياج ترمش اكثر من حياها و كلامه
جسوف مبتسم يناظرها : طيب راح اريحج و اروح لانج تعبانة مني و ترجفي
لياج ساكته و قلبها يضرب بقوة ما قدرت تتكلم
جسوف تعمد يرخي يده على خصرها و كأنه بينزلها بس ما نزلها
جسوف : خلاص اروح دامج تبيني اروح
لياج بدون شعور رفعت راسها له : ما قلت جذي
و نزلت راسها
جسوف ابتسم فابتسمت بخفة
جسوف ظل يناظرها بتمعن لياج مستحية و منزلة راسها
جسوف طالع ساعته
لياج رفعت راسها ناظرته و بصوت هامس : بتروح
جسوف : الوقت مر و لازم اروح
رفع خصلة من شعرها و هو يناظرها
جسوف : راح اكون موجود و اكلم الوالدة
لياج بنظرة بريئة : خايفة
جسوف بهمس : من شنو ليش الخوف عمري
لياج و هي ترفع غرتها : ما ادري ليش
جسوف مبتسم : توتر مو اكثر
لياج بتوتر : بتكلم امي اليوم
جسوف بابتسامة عريضة : ايوة اكلمها استأذنها بالزيارة قبل اجيكم
لياج بصوت انثوي : يعني مبتسم و فرحان و انا خايفة و مرتبكة
جسوف : هههههه يا عمري قلت لج بلاه الخوف و التوتر ما في شي
لياج ابتسمت بسبب ضحكته
جسوف مبتسم : طيب راح اروح انتبهي لنفسج
لياج بهدوء : طيب انا عرفت عنك و انت ما عرفت عني
جسوف مبتسم : ما له داعي اعرف الحين فوق اللي اعرفه
حست بانفاسه على جبينها بقبلته الهادئة
و بهمس : مو هاين علي اتركج بروحج بالبيت لكني مضطر اروح
راح اتصل فيج كل شوي
لياج ابتسمت : طيب
\.,’\.,’\.,’\.,’\.,’\.,’\
بعد فترة
راسيل و سرمد طلعوا يتغدون برى
لهيب ظل يتجاهل إنمار و ما يرسل اي طلب و هي تحت علشان ما تشوفه و يخليها تدوره
جسوف ظل كل ساعة يتصل الى لياج و يكلمها
طارق تغدى مع مزون و ابوها
.,’~؛×":/،|\.............
و بعد الغداء
و بوقت العصر
إنمار نزلت الدرج و هي تتلفت تدور على صاحب العطر
لهيب واقف عند ممر المطبخ يناظرها مبتسم
إنمار جلست بالجلسات دقايق ما شافته راحت الحديقة تلفتت ما لقته رجعت غرفتها احتارت طلبت طلب انتظرت وصل الطلب بس مو هو اللي ارسله تمللت و فكرت تروح المطبخ
لبست جينز ازرق مع تيشرت بنفسجي فاتح بأكمام طويلة طويل لربع الفخذ و بالوسط التيشرت صورة سودا عبارة عن بنت شعرها طويل
شعرها رولته ترويل خفيف مع غرتها
طلعت من غرفتها مشت قليل
طلع لهيب من الغرفة اللي جنبها لانه كان يوصل طلب
شافته إنمار عرفت شكله
إنمار : مرحبا
لهيب بهدوء : هلا
إنمار : انتظر ثواني بروح و برجع
و لفت راحت غرفتها
لهيب تأكد انها راح تدفع له مبلغ العطر
لف و هو يمشي
طلعت ما لقته واقف مشت قليل شافته يمشي بالممر تقدمت اكثر و صارت وراه
إنمار : وقف ليش مشيت
لهيب سكت و هو يمشي
إنمار : هلو اتكلم معاك
لهيب ساكت و هو يمشي
إنمار : انتظر هلووو نتكلم
لهيب بتعمد وقف و هو يلف لها فجأة
إنمار تفاجأت لما لف صدمت فيه صدم راسها بنحره
لهيب تم واقف يناظرها
إنمار كانت راح تبعد بسرعة إلا ان العطر اللي شمته سيطر عليها ثواني
ابتعدت خطوة و رفعت راسها ناظرته و عينها تلمع لاحظت نظرته الثابتة و الرجوليه
إنمار : تفضل
لهيب يناظرها : شنو هذا
إنمار : سعر العطر
لهيب لف و هو يمشي : ما له داعي
مشى و قلبه يتحرك من صدمت فيه ابتسم و هو يخطط للي في باله
إنمار ظلت تناظره و هو يمشي
استغربت سر نظرته إلا انها ما اهتمت بشكل كبير
إنمار بنفسها " مو بكيفه ما ياخذ المبلغ هذا حقه ليش يرفض راح ياخذه يعني راح ياخذه "
[.,’\|..\.,’|.,’,.’,.’,..,’
لما رجعت ام لياج البيت
اتصل لها جسوف و كلمها
استغربت بشدة
" جسوف وش يبي !؟
ليش يبي يزورنا !!
وش يبي ؟؟
معقول بيخطب بنتي ؟؟
لا لا وينه و وين يخطب بنتي
عجل ليش بيزورنا ؟؟ "
و بعد فترة
انضرب باب البيت
ارتبكت لياج
ام لياج : لياج روحي غرفتج انا بفتح الباب
لياج بارتباك : ليش يمه
ام لياج : انتي روحي غرفتج و بعدين اقولج
لياج راحت غرفتها و هي خايفة
ام لياج فتحت الباب الى جسوف ضيفته بغرفة الضيوف
و بعد دقايق من الكلام بينهم
جسوف بصوت واضح : انا اعرف العم ابو لياج و لقيته قبل يسافر
ام لياج : تعرف ابو لياج ؟
و باستغراب : يا ولدي مو فاهمة شي
جسوف : يا امي انا عارف ان الكلام مفاجئ بس هذا اللي صار
ام لياج باستغراب : قول يا امك
جسوف بصوت واثق و هادئ : يا يمه كان خاطري ببنتج لياج شفتها بالفندق و دخلت قلبي كلمت عمي و خطبتها منه ملجنا و سافر
ام لياج استغربت بقوة : شنو ؟! وش هالكلام
جسوف : يمه هذا عقد الزواج
ام لياج اخذت العقد باستغراب و كراهية لابو لياج
شافت العقد و لقت اسماء الشهود
حطت يدها على جبينها بصدمة
دقايق مرت بالسكوت
ام لياج بصوت هادئ : و ليش يا ولدي ما عرفنا بشي
جسوف : الشي صار بسرعة ملجنا بمثل يوم سفر عمي
و اسمحيلي انا الغلطان كان المفروض اجيج و اخبرج من قبل
اتنهدت ام لياج بحيرة : و الله يا ولدي لو بغيتها الليلة ببيتك منت غلطان و لا احد يلومك
اللي ابيه منك بس تعطينا وقت يعني ما ادري وش اقول لبنتي و لا الى الناس
جسوف : و لا يهمج و لا تديري بال
انتهت زيارة جسوف
باتفاق ام لياج معاه بأن يتم الامر بينهم
و يتم اخبار الناس و الاهل بانه خطبها و بتم الملجة قريب
( ما عدا لياج اللي قالت امها راح تخبرها بالحقيقة )
؛×÷×.,’>|\.~ّ&
بالفندق
بغرفة إنمار
إنمار تتصفح المجلة و هي تفكر تنزل تحاول تعطي صاحب العطر حقه ( رغم انها جريئة و فيها عدم مسؤلية و عدم اهتمام و دلع إلا انها ما تحب تاخذ حق احد او تظلم احد و هالشي تعلمته من ابوها )
ام إنمار : اليوم ام ناجي بتجي عندي و تبي تشوفج
إنمار و هي تتصفح المجلة : ما ابي اشوفها و ما بكون موجودة
ام إنمار بقهر : انتي متى بتفهمي الاخلاق و السنع الحرمة تبي تشوفج و انتي دايم تتهربي و ما تبي تشوفيها احرجتيني
إنمار رفعت راسها بقهر و عصبية و ظلت تناظر امها دقايق و هي مقهورة
إنمار بحدة : الحين انا ما عندي اخلاق
و انتي عارفة زين نوايا ام ناجي المغثة
اول شي ما احبها و ما ابي اشوفها
و ثاني شي انتي عارفة زين انها تبيني لولدها
( و بسخرية ) و لا انتي ناسية اني متزوجة
ام إنمار بعصبية و قهر : و هذا اللي قاهرني ابوج سوا اللي يقهر و ينزل الراس و راح
إنمار بعصبية : ابوي ما سوا شي غلط علشان ينزل راسج لو موب شايف هالشي بمصلحتي ما سواه
صحيح ان هالشي مو اختياري لكن لان اللي سواه ابوي فهالشي على راسي
ام إنمار بعصبية اكبر : و انتي مفتخرة بهالشي يوم انه زوجج بدون علمي و علمج
قال لنا لما طاح مريض و بعدها توفى حتى ما قال لنا من هو اصله و فصله
و متأكدة انه زوجج لواحد فقير حافي منتف
إنمار بحدة : على الاقل افضل من اختيارج لي لو كنت مو متزوجة
ام إنمار : بكيفج ظلي معلقة مع هالمجهول
إنمار نزلت راسها للمجلة بدون اهتمام : خليني على راحتي و لا تدخلي بحياتي
انضرب الباب قامت إنمار فتحته
شافت لهيب واقف بيده صينية فيها قهوة ظلت تناظره
لهيب : الطلب
كانت لابسة بنطلون قطني ابيض مع تيشرت اخضر اكمام طويلة و فيه اربعة ازرار باللون الابيض فاتحة اثنين منهم
إنمار فهمت ان الطلب الى امها لانها ما طلبت
طلعت من الغرفة تقدمت و سكرت الباب وراها و هي تناظره
إنمار : ممكن افهم ليش ما تبي حقك
لهيب ناظر جهة الممر بتجاهل : لو سمحتي الطلب
انقهرت إنمار : طيب بكيفك
فتحت الباب و مسكته بمعنى يدخل
لهيب دخل نزل القهوة و مشى بيطلع و إنمار تناظره
استغربت منه ليش ما ياخذ حقه و فوق هذا يتجاهلها بأسلوب مو صحيح
( لهيب سمع كل الكلام اللي دار بينهم بسبب علو صوتهم اللي كان يدل على الهواش و فهم انها تدري انها متزوجة و ما تدري من زوجها و لا تعرف اي شي عنه )
( ابو إنمار كان يتجاهل ام إنمار و مشاكلها و كان يبين انه ضعيف الشخصية لانه يسوي اللي تبي علشان يخفف المشاكل بينهم
و مع الوقت تقدم شخص لخطبتها الاب وافق و تمت الملجة بدون ما يخبرهم لانه عارف ان الام ما راح توافق و راح تصير مشاكل بينهم و هو شايف ان هالشخص مناسب لها و راح يحافظ عليها فقرر يملج و يحط الام قدام الامر الواقع
إلا انه طاح مريض و ما مداه يخبرهم .. و هو بالمستشفى قال لهم ان ملجتها صارت على شخص يستاهلها و ما قدر يكمل و زاد بالمرض و دخل بغيبوبة بعدها توفى ..
و الزوج ما ظهر لان بعد الملجة طرا له امر مهم و سافر بيقضي شغله و بيرجع صادته ظروف و ما قدر يرجع ..
الام بعد ما توفى الاب كانت تبي تعرف من هالشخص اللي للحين ما ظهر و ما جى و فكرت تلجأ للقضاء إلا ان إنمار عارضت و بشدة و دخلت بمشاكل مع امها و كان رايها ان اذا الله كتب هالشخص راح يجي و يخبرهم بنفسه لانهم ما يملكون حتى عقد الزواج و اذا ما جى لفترة طويلة راح تتصرف مثل ما تبي الام و تلجأ للقضاء )
"."."."."."."."."
ببيت ام لياج
ام لياج بحنية و هدوء : فهمتيني يمه عرفتي وش اقول
لياج دموعها تنزل
ام لياج : يمه عارفة هالشي صعب علينا و مفاجئ لكن جسوف خطبج من ابوج و ملجوا و سافر ابوج و ما خبرنا و ما قال لنا حتى بأتصال
توكلي على الله يا يمه و اهدأي
لياج هزت راسها و دموعها تنزل
ام لياج : يا يمه لا تقطعي قلبي عليج
صحيح انج صغيرة بالـ 17 بس عقلج كبير
خلج واعية و فاهمة
حتى ان جسوف مو مستعجل نهائي على الزواج
لياج بصوت باكي : و الناس يمه و الاهل
ام لياج تمسح على شعر بنتها : حبيبتي ما راح يصير شي راح نقول للناس ان جسوف خطبج و وافقتي و بنحدد يوم على انه بتصير فيه الملجة بدون حفلة يوم ثاني بنسوي حفلة بسيطة
لياج بدون شعور تصيح : و اهله يمه
ام لياج : راح نشوف سالفة اهله يا بنتي لا تحاتي
ـ.ـ.ـ.|\..’,.~.’؛:"/،.ـ.ـ.ـ.ـ
بالليل
ام لياج ما قدرت تنام بسهولة قرأت القرآن و ظلت فترة تفكر و نامت
لياج لما اطمأنت ان امها نامت سكرت باب غرفتها جلست على السرير اتصلت الى جسوف و هي تصيح
جسوف من شاف تتصل رد بسرعة
جسوف : هلا قلبي
لياج بصوت باكي : ليش قلت الى امي انك خطبتني من ابوي و وافق ليش ما خبرتها بالحقيقة
جسوف : اهدأي شوي عمري
لياج بانهيار : ليش ما خبرتها ان ابوي عرضني عليك و رخصني ليش ما خليتها تعرف حقيقته ليش
جسوف : تدري اشلون انا جايج الحين
لياج بسرعة و هي تمسح دموعها : لا لا تجي الحين
جسوف : كاني طالع مسافة الطريق بس
لياج بصياح : لا جسوف الله يخليك لا تحرجني .....
قاطعها جسوف : محد يمسح دموعج غيري
و بعد دقايق
طلعت من غرفتها بخوف
فتحت الباب بخوف اكثر
جسوف دخل و هو يسكر الباب
حظنها بشدة
لياج تمسكت فيه و هي تدفن وجهها بنحره بينما هو يشدها له بيد على ظهرها و يد ورى راسها
شدت على تيشرته اكثر
جسوف بصوت رجولي : اشش حبيبتي خلاص انا معاج خلاص عمري
لياج تصيح بصوت مسموع
و هو ماسكنها طبع قبلات على شعرها
نسوا انهم بالبيت و ما اهتموا ان امها موجودة و ممكن تشوفهم
لياج رفعت راسها و ناظرته
جسوف شاف عيونها محمرة و دموعها تنزل مسك وجهها بيدينه و هو يمسح دموعها
و بنبرة خاصة : دموعج هذي ما تطيح اوكي
لياج مسكت معصم يدينه اللي كانت ماسكة وجهها
و ببحة متغيرة من البكاء : ليش مو لابس ثقيل بهالبرد
لانه كان لابس جينز اسود مع تيشرت اسود اكمام قصيرة و على الاكتاف لون احمر
جسوف بابتسامة : خايفة علي من البرد و موب خايفة اني ببيتكم
~’,.~’,.~’,.~’,.~’,.
لهيب ببيته
واقف بجانب النافذة و يفكر باللي راح يسويه باله مشغول بأفكار و اشياء يحاول يفهمها و يتوصل لنتيجة يقدر من خلالها يسوي اللي في باله
اما بالفندق
انمار ابتسمت لانها قدرت توصل الى صاحب العطر المبلغ و الاكيد انه راح يستلمه
لانها راحت لمدير المطبخ ابو نايف بعد ما سألت عنه و قالت له الموضوع سألها عن الموظف قالت ما تعرف اسمه راح معاها الجلسات بالصدفة لهيب يدخل المطبخ اشرت عليه و قالت هذا عرفه المدير و اتفق معاها ... و ما عرفت اسمه
،/:"،/:"’,.’,.،/:"’,.
بغرفة لياج
جسوف جالس على السرير و هو يناظر لياج اللي جالسة جنبه
جسوف : و هم انتي مو لابسة بهالبرد
لياج بصوت انثوي متغير : اهـــــئ انا , لابسة و انا بالبيت انت موب لابس
كانت لابسة بجامة بنطلون اخضر قطني مع تيشرت قطني اخضر فاتح بأكمام طويلة
جسوف : ما خطر ببالي البس كنت مهتم اجيج بسرعة
و مد يده مسك معصمها و شدها له و هو يقربها منه
تقربت بخجل لما طوق خصرها بيد و الثانية يرفع غرتها و هو يناظرها
و بهمس يوتر : اسوي اي شي و ما اشوف دموعج
لياج توترت و هي قريبة منه رفعت نظرها له ناظرت عينه
و بهمس انثوي : ليش ما قلت الى امي الحقيقة
جسوف و هو يرفع خصلات غرتها : قلت لج من قبل لا تذكري هالشي بتحسس لانه مو صدق
و يمكن ينفهم الموضوع غلط و لنا الحرية في اسرارنا و كل امورنا
و كنت اقدر اقولج من البداية مثل ما قلت الى امج و اخبي ان ابوج جاني
بس لاني ابيج تعرفي كل شي و ما ابي ابني حياتنا على شي متخبي
فرضا عرفتيه بعدين بتقولي ما قلت لي و خبيت عني و خدعتني
و اساسا الشي نهائيا ما يزعج لاني ابيج قبل كل شي
لياج نزلت نظرها الى صدره عن عينه
جسوف : تضايقتي ؟
لياج سكتت و ما عرفت ترد
( رغم انه يعرف انها تكيفت معاه و بدأت تتعود بتصرفاتها معاه )
جسوف يركز بعينها و بهمس : يعني للحين ما تبيني و منتي متقبلتني
لياج و عينها تحت : مو جذي
جسوف خلا اصابعه على ذقنها و رفع راسها
جسوف بهمس يوتر : عجل شنو
لياج انحرجت منه و من نظرته و نزلت نظرها بحيا
جسوف : هههههه يا حلات حياج مني يا خجولة
لياج انحرجت زيادة تحركت تبي تقوم
مسكها و هو يشدها
جسوف : هههههه بس خلاص
لياج بحيا : انت تحب تحرجني دايم
( و هي تتجاهل وجهه و تناظر جهة الجدار )
جسوف بهمس و ضحكة : افاا الحين تناظري الجدار و ما تناظريني اجمل مني مثلا
لياج حطت يدها على جبينها و هي تضحك بخفة على كلامه
جسوف : ههههه ما ادري عنج تناظريه و انا هنا موجود
لياج بابتسامة حيا : جسوووف خلاص
جسوف : ههههه طيب طيب خلاص
و بعدين انا وش قلت احبج و ابيج تناظريني
لياج بحيا و بخجل تحركت
جسوف مسكها بسرعة و هو يقول : طيب خلاص جد جد
اخذ جوالها ابتسمت و هي تناظره
جسوف بابتسامة : راح ارسل لج صوره و ثبتيها خلفية
لياج بابتسامة : و هي شنو
جسوف و عينه على جواله : راح تثبتيها على طول
لياج ناظرت جواله و شافت صورته راح يرسلها له
لياج بابتسامة : لا بذمتك لا تحرجني اشلون اثبتها
جسوف : ههههه طيب انتي جربي راح ارسلها و اروح لاني تأخرت
جسوف جاه فضول يشوف شنو جسلت اسمه انصدم لما شاف اسمه ( ج ) بدون ما يناظرها نزل الجوال جنبه على السرير و قام واقف بيمشي
لياج من لاحظت هدوء ملامحه و نزل الجوال عرفت انه شاف اسمه بالجوال وقفت معاه
لياج بهمس : شفيك
جسوف ما يناظرها و هو يتحرك بيمشي : تأخرت راح اروح
لياج بسرعة وقفت قربه و هي تناظره
و بصوت انثوي : جسوف الله يخليك لا تزعل مني و ربي انا نسيت اغير الاسم
جسوف يتحرك و بهدوء و زعل و عتب : مو مشكلة لو تمسحي الرقم من الاساس
انتهى الجزء 11
مواقع النشر (المفضلة)