### البـــارت الحـــادي عشــــر ###



نواف يحاول يشغل السياره : يووووووه وش فيها ذي بعد
* نواف نزل راسه وبدى يغمى عليه *
جمانه : عزام عزام صحصح
نواف : .............
* فجاءه تشنج عزام *
جمانه بصراخ : نوااااااف يمه نوااااااااف ااااه نووووووااف
* البنات خافو اول مره يشوفون احد متشنج حلا على طول نزلت وفتحت باب نواف تبي تشوف وش فيه *

حلا : الولد تشنج لازم نوديه المستشفى
جمانه : كيف السياره خربانه
حلا : دقو على اي احد يجينا
روان : راح اتصل على عزام
جمانه : بسرعه تكفين
*روان اتصلت على عزام وقال بيجيهم طبعاً حلا صفة له المكان اما البقيه يبكون بصمت عاد مها كانت مصدومه وتحاول تفكر بشي يساعدهم *

مها نقزت من مكانها : بننننات
الكل التفت لها : .......؟؟؟؟!!!!
مها : خلونا نوقف تكسي وندويه المستشفى اخاف عزام يتاخر
بيسان : بس مافي تكاسي هنا
مها : بنزل اشوف اذا فيه احد بوقفه واذا جاء عزام قبل يجي خلاص
بيسان : اوك
* نزلت شادن ومها وبيسان وجلسو ينتظرون بس محد جاء ولا سيارة مرت كان المنطقه منقطعه وبعد ربع ساعه جت سياره من بعيد والبنات استانسو وصارو يناقزون عشان احد يشوفهم وشوي الاوتقرب السياره ويطلع عزام *

عزام بربكه : هاه وش صار لكم
*بيسان كانت كاشفه لان الجو حار ونست من نفسها*
بيسان : نواف مدري نايف تشنج
عزام : طيب وينه
مها : بالسياره
* عزام راح للسياره وحاول ويطلع نواف منها بس ما قدر لانه كان مشدود حيييل وجلس 10 دقايق الين طلعه وشاله ودخله سيارته وما كان في مكان لان نواف كان سادح على المرتبه *
عزام : يلا اركبو
روان : وين
عزام : اركبو ورى
* البنات ركبو مجد وشادن وحلا وجمانه وسلوى وماجده ورى اما بيسان وروان ورنا ركبو قدام جنب عزام ومها كانت جنب نواف *
عزام : وش صار له ليه تشنج
البنات : .........
عزام : نتكلم بعدين
* وصلو المستشفى ونقلو نواف للطورى وضربوه ابره مهدئه وقالو ان بعد نص ساعه راح يصحى ~ البنات كانو واقفين برا ولمى جاء عزام حصل بيسان فاتحه حجابها *
عزام : بيسان تغطي
بيسان التفت له : هلا
عزام : تغطي
*بيسان رمة الطرحه على وجهها وكانت شفافه يبان وجهها و طاحت على الارض مغمى عليها *
عزام : بيســـــــــاااااان
* عزام ناداء الممرضات وشالوها وودوها الغرفه *
### المرزعه ###
* الحريم ما فقدو البنات بس ام وليد فقدت حلا وكانت تدور عليها وترسل الخدم يدورون عليها *
ام مجد : وش فيك يوخيتي
ام وليد : الطباخه مدري وين راحت
ام مجد : يمكن راحت عليها نومه خلي احد يروح يصحيها
ام وليد : محد يعرف وين غرفتها
ام مجد : يمكن ضاعت بالمزرعه خلي العمال يدورون لها
ام وليد : اي صح معك حق بروح اشوفهم وانتي روحي مع الحريم عيب نتركهم لوحدهم
ام مجد : حاضر من عييوني

### عن الرجال ###
الوليد : الحين وين عزام من جيت ماشفته
فهد : قام وجلس يفطر وشوي وجاه اتصال وقام بسرعه
نايف توه دخل : السلام عليكم
الكل : وعليكم السلام
سيف : نايف خل فتحي يجيب لي ولك الفطور
نايف : لا افطر لوحدك انا مو مشتهي
سيف : افا ليه
نايف : بفطر مع نواف اذا جاء
الوليد : ليه وين نواف
نايف : مدري فجاء قام من النوم لبس وطلع
فهد : الله يستر
رعد جاي يركض : شباب قومو الرجال سوو شبة برا وجالسين
سيف : يلا جايين
* قامو الاولاد وجلسو مع الرجال وسالف وحكم وشوية بزنس *


### المستشفى ###

* بعد نص ساعه صحى نواف وكان تعبان حييل وما يقدر يتحرك وضغط على الزر وجت الستر وخبرت الدكتور *
الدكتور : هاه كيف تحس نفسك
نواف : احس جسمي مكسر مافيني حيل اتحرك
الدكتور : ان شاء الله خلال 12 ساعه الاولى تسترجع طاقتك ،يلا بروح اطمن اهلك عليك
نواف : اهلي؟؟؟
الدكتور : اي الاستاذ عزام وبقيت الاهل
نواف : اوك
* طلع الدكتور وخبر عزام عن حالة نواف *
عزام : تسلم ي دكتور عذبناك معنا
الدكتور : لا عذاب وش شي هذا واجبنا ، يلا عن اذنك
عزام : اذنك معك
* عزام راح عند البنات يطمنهم على نواف وهم قالو له ان بيسان بخير بس ضابتها ضربة شمس عشان كذا اغمى عليها *

عزام : يلا قدام على المزرعه
جمانه : لا انا بجلس عند اخوي
حلا : وانا بجلس عن بيسان
البنات باصوات متفاوته : وانا كمان.... حتى انا.... وانا...... وانا بعد.... وانا بجلس مارح اروح لوحدي
عزام : خلاص انا بتصل بروح اشوف نواف واتصل على اهلكم اخبرهم
الكل : اوك

* راح عزام وزرا نواف وتطمن عليه طبعاً نواف قال انه كان بيودي البنات السوبر ماركت وتعطلت السياره كان خايف انهم يهزئون البنات وبعد ساعتين الكل صار عنده بالمستشفى *
ام وليد شافت حلا كانت جايه ومعها مويه : ساندي انتي هنا
حلا : نعم ماما
ام وليد : وش جابك
رنا شافت امها تكلم حلا نقزت لعندهم : انا يمه خذيتها كان فيه اشياء ناقصه في المطبخ وخذيتها عشان تجي تخذها بنفسها
ام وليد وصدفقتهم : يلا ارجعي البيت سوي الغداء
حلا : اوك ماما بس كيف انا ارجع
ام وليد : روحي مع تكسي بعطيك فلوس واشرح لك الطريق
حلا بخوف : اوك

* نزلت حلا وانتظرت تكسي بس محد جاء وبعدين شافت وليد وابوه والرجال جايين بيدخلون المستشفى ~ وليد شاف حلا عرفها من طريقة حجابها انتظر اهله لين يروحون وراح يكلمها *
الوليد : وش تسوين هنا
حلا : برجع الاستراحه
الوليد : مع مين
حلا : مع تكسي
الوليد عصب : ليه ان شاء الله من سمح لك
حلا بكل برود : امك
الوليد مسكها من ايدها بقوه ووداها السياره : اركبي
حلا : طيب اترك يدي
الوليد : اقولك اركبي
حلا تتوجع : اااااااه يدي اتركني واركب
الوليد ترك يدها : يلا
* ركبت حلا السياره ووصلها الوليد المزرعه *


### بعد مرور اسبوعين ###
______الاحداث على لسان الابطال _______
بعد المزرعه الكل رجع لحياته الطبيعيه

حلا : طول يومي في المطبخ ي اطبخ او اعلم رنا الطبخ خصوصاً ان رنا صارت قريبه منها وصرنا نقضي وقت اكبر مع بعض

رنا :حبيت حلا وشخصيتها المرحه والمودبه وصرت اتعلم معها الطبخ واذا اهلي نامو صرت انزل لها الغرفه ونجلس نسولف الى الفجر

الوليد : صرت اكلم مجد طوال الوقت حتى شغلي اهملته كل ما اقفل منها اشتاق لها

ام مجد : رجعت انا وبناتي بعد المزرعه على طول وكنت مبسوطه حييل من خطبة مجد

بيسان : احس بطير من الفرحه حبيبي خطبني وبعد كم يوم ملكتنا

جمانه : تعبت وانا ماسكه شغل البيت وتعبت من دلع نواف وعناده

سيف : انا مبسوط لاني صرت اشوف جمانه بشكل يومي اذا جت مع نواف او اذا صرت ازورهم

عزام : ااااااااه بموت من القهر حبيبتي بتروح من بين يديني بتكون باحضان شخص ثاني


### بيت ابو وليد ###
* اليوم مبارة بين النصر والهلال اتفقو حلا ورنا ينادون البنات يجون عندهم يتابعون المباراه وحلا راحت هي ورنا يجهزو لوازم السهره *

جمانه : واااااو حلا هذي غرفتك
بيسان : حلوه
رنا : اي الوليد قال لعزام يمصمم لها غرفه

غرفة حلا
http://img1.haraj.com.sa/userfiles30...5e19949b5d.jpg
http://img1.haraj.com.sa/userfiles30...5e20ac32a1.jpg


بيسان تذكرت عزام : ههههههههههههههه
الكل : ؟؟؟؟؟؟؟؟؟
حلا : وش فيك
بيسان : قالت لهم السالفه
الكل : هههههههههههههههههههههههههههههههههههههههههههههههههه ههههههههه

* رن جوال رنا وشافت المتصل مها ردت وخبرتها عنها عند الباب راحت ودخلتهم وشوي وجت روان طبعاً كانو متفقين يتابعون المباره في غرفة حلا ~ وبدا الشوط الاول *

_____ترتيب البنات _____

الهلال : مها وشادن وجمانه وروان

النصر : حلا و بيسان ورنا

روان : قووووووووووووووووول
شادن ترقص : قول قول قووول قول قووووول
حلا : عادي لسى احنا ببداية المباره

* وبعد ربع ساعه سجل النصر قول *
حلا : ااااااءءءءءء قول
رنا : ي رب يخسر الهلال
مها ترمي رنا بالمخده : استغفري
رنا : مارح استغفر ولكم مني اذا فاز النصر راح اعشيكم برا
جمانه كانت جوعانه : ياااااارب يفوز
مها وشادن صارو يضرببونها : يالخااااينه كل هذا عشان بطنك شوفي الاكل قدامك
جمانه : اه ااااه خلاص اوجعتوني ما ابي النصر يفوز فكوني

* وانتهي الشوط الاول والبنات كل وحده فتحت ججوالها وصار تشوف تحديثات البي بي والتويتر والانستغرام *

رنا : بنات تعالو جنبي بصور سناب شات
البنات : يلا يلا
* رنا بدت صور البنات والمكان وصارو يضحكون على شكل حلا الطفولي ~ كانت حلا لابسه شورت ابيض وبلوزة النصر وحاطه قرنين ومياج خفيف وكان شكلها جد بريئ وطفولي *
جمانه : وش ذي البزر اللي معنا
الكل : ههههههههههههههههههههههههههههههههه
حلا مدت بوز : اساساً انا احلى بزر


### عند الشباب ##
* كانو مجتمعين عند عزام ويتابعون المباره ويعلقون *

__________ ترتيب الشباب ___________
النصر : عزام نواف والوليد ورعد
الهلال : سيف ونايف

سيف : والله انكم مشترين الحكم
رعد : انتو كل مافزنا قلتو شارين الحكم
عزام : كل يرى الناس بعين طبعه عشانهم يشترون الحكم يفرون ان احنا زيهم
نايف : والله وانفك سحركم ي النصر
الوليد : تبون نرسل لكم الشيخ
الوليد + نواف + عزام + رعد : ههههههههههههههههههههههههههههههههههههههههه

* بدا الشوط الثاني وقبل انتهى المباره بـ 20 سجل النصر قول *
نواف : قوووووووووووووووول
الوليد : والله ذا السهلاوي مو هين
عزام : الا الشلهوب اللي موهين موعلى طوله

* الوليد رن جواله وقام *
الوليد : الو
مجد : هلا حبيبي
الوليد : هلا حياتي كيفك
مجد : تمام انت كيفك
الوليد : بخير
مجد : حياتي متى بترجع البيت
الوليد قام : الحين
مجد : اوك اذا وصلت خبرني
الوليد : اوك انتبه لنفسك
مجد : وانت كمان باي
الوليد : الله معك

### البنات ###
روان : يلا بنات انا بروح
رنا : بدري
روان : لا قلت لماما اني برجع بسرعه
مها : واحنا بعد بنمشي بنروح لعمي بكره
حلا : يوووه بنات بدري
شادن : لا لازم نروح ، مره ثانيه ان شاء الله
*مشو البنات كلهم وبقى حلا ورنا *
رنا : يلا بروح انام
حلا : اوك انا رح اشيل الاكل وانا
رنا : اوك بساعدك
حلا : لا انتي مره تعبانه روحي نامي
رنا : يلا باي
* راحت رنا وحلا ودت الاغراض المطبخ وكانت مفكره ان مافي احد لان رعد في الشاليه ووليد صار لها فتره ما شافته وام وليد وابو وليد مسافرين *

الوليد : مين هنا
حلا بخوف وهي ورى الثلاجه : مين انت
الوليد : انتي حلا
حلا : ايه
الوليد : وش فيك اطلعي
حلا : مين انت
الوليد : انا الوليد
حلا : طيب روح انا مو لابسه
الوليد بفهاوه راح لها : نعم
حلا لمى شافته وقفت زي الجندي : ..........
الوليد تنح فيها : وش تسوين هنا بذا اللبس
حلا وهي مغمضه عيونها : كانو البنات عندي نتابع المباره وبعدين راحو وجيت اشيل الاغراض
الوليد : خلاص روحي غرفتك بسرعه لحد يشوفك
* حلا على طول صارت تجري وراحت غرفتها وكانت بتمون من الاحراج رتبت غرفتها واخذت شور ونامت ~ الوليد كان مصدوم من شكلها البريئ وراح غرفته وبدل ملا بسه وفتح جواله يشيك على الرسايل وفتح سناب شات وشاف شكل حلا وهي تتابع المباره والبنات يعلقون عليها ويقولون انها بزر وهي تمد بوز ضحك وليد وسكر جواله ونام *

### صباح يوم جديد ###

# بيت ابو وليد #

* الكل كان مجتمع على الفطور رنا والوليد ورعد ويوسف *

يوسف : رنا بابا وماما متى يجون
رنا : بعد اسبوع ان شاء الله
رعد : الا الوليد وينك امس العصر رحت لك المستشفى ما حصلتك
الوليد يطالع بالاكل : كنت عند عزام بالمكتب ليه
رعد : كنت ابي افلوس ابوي صار له شهر ما حول لي فلوس
الوليد : اوك يصير خير

نورمان دخلت : استاذ الوليد الشرطه برا يبونك
الوليد بستغراب : يبوني انا
نورمان : اي سألو عنك
الوليد : اوك جاي

* راح وليد وراح معه رعد ويوسف اما حلا ورنا راحو من ورى الفله بحيث يشوفون بدون محد يشوفهم *

الوليد : امر اخوي
الضابط : الوليد خالد الفهد
الوليد : اي نعم امر
الضابط : ما يامر عليك عدو تفضل معنا
الوليد : ليه
الضابط : عندنا امر بالقبض عليك
الوليد ببرود : ليه
الضابط : تفضل معنا وتفهم كل شي بالمركز
الوليد : حاضر
رعد : بجي معك
الوليد : لا اجلس هنا مع رنا ويوسف شوي واجيكم
رعد : طيب

* عند حلا ورنا كانو يسمعونهم وحلا بس شافت الشرطه تكلبش الوليد فقدت الوعي واغمى عليها *
رنا بصراخ: حلالالالالالالالالا
حلا طايحه على الارض : ..............
رنا : حلا صحصحي حلا ي حلا
* الوليد سمع الصراخ وخاف التفت للجهه اللي صدر من الصوت وشاف على طايحه على الارض ورنا تبكي وتشيلها *
الوليد بخوف : حلالالالالالالالا

***************************************
انتهى البارت الحادي عشر
اتمنى انه نال اعجابكم وادري البارت شوي قصير بس اعذروني هذا اللي قدرت عليه

توقعاتكم؟؟؟!!

حلا وش صار لها ووليد بينفضح امره؟؟؟

ليه الشرطه مسكة الوليد وهل بينسجن؟؟؟

بيسان وش نهاية علاقتها وزواجها بعبدالله؟؟

جمانه هل بيكون فيه شي جديد بحياته اولا؟؟

عزام بيظل ساكت على زواج بيسان او بيفركش خطوبتها؟؟


قراءه ممتعه.. لمياء محمد..~•*